Skorpa i Herøy i Møre og Romsdal
Skorpa er ei øy i Herøy kommune på Sunnmøre.
| Skorpa | |
|---|---|
| |
| Geografi | |
| |
| Stad | Sunnmøre |
| Koordinatar | 62°19′51″N 05°29′34″E / 62.33083°N 5.49278°E
|
| Høgaste punkt | Keipen (431 moh.)
|
| Administrasjon | |
| Land |  Noreg
|
| Fylke | Møre og Romsdal
|
| Demografi | |
| Folketal | 0
|
Skorpa ligg rett vest av Nerlandsøya, skilt av Skorpesundet. Terrenget er bratt og ulendt, med Keipen på 431 meter som det høgste punktet. Det er ikkje lenger fast busetnad på øya, og i dag vert Skorpa hovudsakleg nytta til fritidsbustadar og beite for ein stamme villgeiter.
Matrikkelgarden Skorpa hadde gardsnummer 1. Skorpa er òg ein grunnkrins.
Andre verdskrigen
endreSkorpa var eit viktig kontaktpunkt for Shetlandsbussen og anna alliert, militær trafikk under andre verdskrigen. Øya var òg ein stad der agentar og motstandsfolk både møttest og søkte dekning. For mange som rømte til Storbritannia, var dette siste stoppestaden, og første for mange agentar på veg inn i Noreg.
I 1940 vart engelske soldatar gøymde, før dei vart ført til Shetland i fiskebåtar. 1941 var første året norske båtar gjekk mellom Noreg og Shetland, og desse var òg innom. 17. november 1943 gjekk første turen til KNM «Hitra» til Noreg og Skorpa, der dei skulle hente 10 rømlingar som gøymde seg i sommarfjøsen i Skorpesundet. Og i 1943, etter at båten «Bergholm» forliste utanfor Kristiansund med mellom andre Shetlands-Larsen om bord, kom etterkvart både han og fylgjet til sommarfjøsen i Skorpesundet.
Dei fleste allierte gøymestadane langs norskekysten vart avslørt etter 7–8 månader, men Skorpa heldt heile krigen gjennom. Tyske soldatar heldt fleire husransakingar, men trass i at dei var svært nære, fann dei aldri illegale radioar. Nokre av innbyggjarane var ekstra aktive i motstandskampen, og Gerhard og Sina Skorpen måtte rømme til England under dekkje av at dei hadde drukna. Gerhard vart etterkvart mannskap på KNM «Vigra» der Leif Larsen var skipper. Mot slutten av krigen var dei òg nokre gongar innom Skorpa.
Øya vart fråflytta rundt 1970.
Folketalsutvikling:
endre| 1801[1] | 1900[2] | 2000[3] |
|---|---|---|
| 11 | 30 | 0 |
Kjelder
endre- ↑ Folketeljing 1801 for Herøy prestegjeld, frå Digitalarkivet
- ↑ Folketeljing 1900 for Herøy herred, frå Digitalarkivet
- ↑ Befolkning, etter grunnkrets, statistikkvariabel og år, frå Statistisk sentralbyrå