Skudenes fyrstasjon

Skudenes fyrstasjon er eit fyr som ligg ved innseglinga til Skudeneshavn på Karmøy i Rogaland, på nordsida av Skudenesfjorden.

Skudenes fyrstasjon

Fylke	Rogaland
Kommune	Karmøy
Funksjon	Kystfyr
Oppretta	1799
Fyrtårn
Byggjemateriale	Tre
Status
Eigar	Privat
Nedlagt	1924
Vernestatus	Freda etter lov om kulturminne
Skudenes fyrstasjon 59.1433°N 5.27573°E / 59.1433; 5.27573

Plasseringa til Skudenes fyrstasjon

Fyret vart oppretta i 1799. Fyrstasjonen ligg i eit klippelandskap og områda mellom klippene ber preg av å ha vorte nytta som beitemark. Her ligg den tidlegare fyrbygningen i tre med grunnmur etter lyktehus på det søraustlege hjørnet. I tillegg finst bustad og uthus. Det er òg spor etter eit kolhus og anlegg frå den andre verdskrigen i området. Fyrstasjonen vart nedlagt i 1924, lyktehus rive og bygningane seld.

Fyrstasjonen ligg ytst på ein høg klippe i eit særprega landskap. Den høge alderen og at bygningane stor sett er som då dei vart bygd gjer at fyrstasjonen er freda etter lov om kulturminne.

Sjå òg

• Fyr i Noreg
• Fyrstasjonar i drift i Noreg

Kjelder

• «Skudenes fyrstasjon». Norsk Fyrhistorisk Forening. 

Bakgrunnsstoff

• Skudenes fyrstasjon i kulturminnesok.no, nettstaden til Riksantikvaren