Slava Metreveli

sovjetisk fotballspelar

Slava Kalistratovitsj Metreveli (fødd 30. mai 1936 i Sotsji, død 7. januar 1998 i Tbilisi) var ein sovjetisk-georgisk fotballspelar fødd i Sotsji, ein av dei sentrale spelarane på Sovjetunionen sitt landslag som i 1960 vann den fyrste europameisterskapen i fotball.

Slava Metreveli

Slava Metreveli 2.jpg

Verkeleg namn Слава Калистратович Метревели, Slava Kalistratovitsj Metreveli
Statsborgarskap Sovjetunionen
Fødd 30. mai 1936
Sotsji
Død

7. januar 1998
Tbilisi

Idrett fotball
Tok del i

VM i fotball 1970, VM i fotball 1966, VM i fotball 1962, EM i fotball 1960, EM i fotball 1964

Utmerkingar

Ærestegnets orden, Æresordenen, Idrettens mester i Sovjetunionen

KlubbspelEndra

Metreveli spelte i 1955-56 på Torpedo Gorkij. Frå hausten 1956 gjorde han teneste i topplaget Torpedo Moskva ut året 1962. Med laget frå Moskva var han med å ta dobbeltsiger i 1960 då det vart triumf både i serien og i cupen. Perioden 1963-71 spelte på Dinamo Tbilisi, med dette laget vart han sovjetisk seriemeister i 1964.

LandslagsspelEndra

Høgrevengen Metreveli debuterte på landslaget til Sovjetunionen den 28. september 1958. Framfor 100 572 tilskodarar på Lenin stadion i Moskva skåra han det andre målet då heimelaget slo Ungarn 3-1 i ein EM-kvalifiseringskamp. 10. juli 1960 utlikna han under EM-finalen mot Jugoslavia i Paris til 1-1, eit oppgjer som etter ekstraomgangar enda med 2-1 til Sovjetunionen og landets største stund i fotballsoga. Sommaren 1961 skåra han eitt mål i begge EM-kvalifiseringskampane mot Noreg, etter tap 2-5 i Moskva måtte det norske mannskapet tole 0-3 på Ullevaal stadion. Sidan deltok Metreveli i Fotball-VM 1962 i Chile, men fekk ikkje plass på laget som spelte EM-finale i 1964. Derimot var han med i VM-troppa 1966 i England, og fekk spele i bronsekampen mot Portugal i London som enda med tap 1-2. Metreveli spelte sin 48. og siste landskamp våren 1970 borte mot Bulgaria. Han skåra i alt 11 landslagsmål.

MerittarEndra

  • Europameister: 1960 med Sovjetunionen
  • Verdsmeisterskap: Nr 4 med Sovjetunionen i 1966
  • Sovjetisk seriemeister: 1960 med Torpedo Moskva og 1964 med Dinamo Tbilisi
  • Sovjetisk cupmeister: 1960 med Torpedo Moskva

Metreveli døydde i Tbilisi.

KjelderEndra

eu-football