Spellemannprisen 1985
Spellemannprisen 1985 blei delt ut våren 1986. a-ha vann prisen for Årets spellemann og fekk prisen i pop-klassen for debutalbumet Hunting High and Low. Bransjeprisen blei delt ut til plateprodusenten Hallvard Kvåle og det blei delt ut to heidringsprisar frå juryen: ein til Bobbysocks og Rolf Løvland for sigeren i Eurovision Song Contest og ein til Forente Artister for «Sammen for livet» som blei spelt inn til inntekt for folk ramma av svolt i Afrika.
Utdelinga blir ellers hugsa for då prisutdelarane Brødrene Dal ved eit mistak ropte opp feil namn i klassen for barneplater. Gruppa Mabben Max med Maj Britt Andersen blei først utropt som vinnar, men måtte returnere til plassane sine då det viste seg at det var «Harry Halvsjuk & the Håpløse» frå ungdomsprogrammet Halvsju som fekk prisen.
Vinnarar
endre| Klasse | Artist | Tittel |
|---|---|---|
| Pop | a-ha | Hunting High and Low |
| Rock | Jonas Fjeld Band | Neck'n'Neck |
| Folkemusikk/gammaldans | Elisabeth Kværne | På langeleik |
| Jazz | Per Husby | Dedications |
| Roots & country | Claudia Scott/Ottar «Big Hand» Johansen/Casino Steel | Oh Yeah! |
| Klassisk musikk/samtidsmusikk | Robert Riefling | Bach: das Wohltemperierte Klavier |
| Visesong | Halvdan Sivertsen | Amerika |
| Open klasse | Kalenda Maya | Kalenda Maya - Medieval and Renaissance Music |
| Barneplate | «Harry Halvsjuk & the Håpløse» (NRK Halvsju) | Harry Halvsjuk |
| Årets spellemann | a-ha | Hunting High and Low |
| Spesialpris: heidringspris frå juryen | Bobbysocks/Rolf Løvland | |
| Spesialpris: heidringspris frå juryen | Forente Artister | Sammen for livet |
| Bransjepris | Hallvard Kvåle |
Kjelder
endre- Nettstaden ifpi.no Arkivert 2007-06-13 ved Wayback Machine.