Opna hovudmenyen
Sporophila


Gulbukfrøetar, Sporophila nigricollis Foto: Neil Orlando Diaz Martinez
Gulbukfrøetar, Sporophila nigricollis
Foto: Neil Orlando Diaz Martinez
Systematikk
Rike: Animalia
Rekkje: Chordata
Klasse: Aves
Orden: Passeriformes
Familie: Thraupidae
Slekt: Sporophila
Vitskapleg namn
Sporophila
Cabanis, 1844

Sporophila er ei biologisk slekt av ca. 40 artar små sporvefuglar i tanagarfamilien, Thraupidae. Med unntak av seks artar som nyleg har blitt fletta inn i denne gruppa, ber desse små fuglane fellesnemninga frøetarar. Dei innfletta artane har fellesnamnet 'frøsporvar'. Samla sett er leveområdet frå sørspissen av Texas til søraust i Sør-Amerika.

SkildringEndra

 
Krattfrøetar, Sporophila americana
Foto: Hector Bottai
 
Kalottfrøetar, Sporophila bouvreuil, hofugl
Foto: Dario Sanches
 
Brunbrystfrøetar, Sporophila minuta
Foto: Tom Friedel

Dette er relativt små tanagarar med korte, kraftige, koniske nebb tilpassa beiting på frø. Artane i slekta viser frå moderat til sterk kjønnsdimorfisme i fjørdrakta. Medan typiske vaksne hannar ofte er særeigne, kan hoer og ungfuglar av begge kjønn vere svært vanskelege, og for nokre artar nesten umoglege, å identifisere eksakt.[1] Hofulglane av mange artar er varmt gulbrune, med ei overside monaleg mørkare enn undersida. Svartnebbfrøsporv, Sporophila atrirostris, skil seg litt, her har hofuglar meir tydeleg mørk brun underside. Gruppa har nokså distinkt sameint ytre morfologi, mest karakterisert av nebbet, men 'frøsporvartane' skil seg noko med lengre hale og derfor totalt større kroppslengd på opptil 16,5 cm for svartnebbfrøsporv. Elles finn ein lite variasjon i kroppsstorleik, mange er 10 til 11 centimeter. Dei minste kan vere brunbrystfrøetar, Sporophila minuta og gulbukfrøetar, Sporophila nigricollis på frå 8,5 cm. Papegøyefrøetar, Sporophila peruviana, skil seg ut i nebbforma med ekstra tjukt nebb med ein krok i enden.

Hos i det minste nokre av desse artane har hofuglar ulike ultrafiolette fargar, synlege for fuglar, men ikkje for menneske.[2] Hos nokre artar er ungfuglar av begge kjønn vanskelege å skilje frå modne hofuglar basert på fjørdrakt.[3]

Utbreiinga er vid, artane her lever frå sørspissen frå Texas til sørlege Sør-Amerika og er tiltrekt av opne og halvopne habitat.[3] Hannane av denne gruppa er vanlegvis fargerike med kraftig, melaninbasert mønster. Til dømes kvitkronefrøetar, Sporophila lineola, kalottfrøetar, Sporophila bouvreuil og fleire andre frøetarartar er ettertrakta i marknaden for burfuglhandel.[4] Dei fleste taksonomiske klassifikasjonar av denne slekta er blitt organisert i samsvar med mønstre og farger i fjørdrakta åt hannfuglar.[3]

ArtslistaEndra

Sporophila i rekkjefølgje etter EBird/Clements Checklist v2017[5] med norske namn etter Norske navn på verdens fugler:[6]

  • Skjeggfrøetar, Sporophila bouvronides, Lesson's Seedeater, Lesson, 1831, (LC)
  • Kvitkronefrøetar, Sporophila lineola, Lined Seedeater, Linné, 1758, (LC)
  • Kvitbukfrøetar, Sporophila leucoptera, White-bellied Seedeater, Vieillot, 1817, (LC)
  • Papegøyefrøetar, Sporophila peruviana, Parrot-billed Seedeater, Lesson, 1842, (LC)
  • Brunhakefrøetar, Sporophila telasco, Chestnut-throated Seedeater, Lesson, 1828, (LC)
  • Brunfrøetar, Sporophila simplex, Drab Seedeater, Taczanowski, 1874, (LC)
  • Kastanjebukfrøetar, Sporophila castaneiventris, Chestnut-bellied Seedeater, Cabanis, 1849, (LC)
  • Brunbrystfrøetar, Sporophila minuta, Ruddy-breasted Seedeater, Linné, 1758, (LC)
  • Svartryggfrøetar, Sporophila nigrorufa, Black-and-tawny Seedeater, D'Orbigny & Lafresnaye, 1837, (VU)
  • Kalottfrøetar, Sporophila bouvreuil, Copper Seedeater, Müller, 1776, (LC)
  • Kremfrøetar, Sporophila pileata, Pearly-bellied Seedeater, Sclater, 1865, (UR)
  • Rustfrøetar, Sporophila hypoxantha, Tawny-bellied Seedeater, Cabanis, 1851, (LC)
  • Svartstrupefrøetar, Sporophila ruficollis, Dark-throated Seedeater, Cabanis, 1851, (NT)
  • Sumpfrøetar, Sporophila palustris, Marsh Seedeater, Barrows, 1883, (EN)
  • Brungumpfrøetar, Sporophila hypochroma, Rufous-rumped Seedeater, Todd, 1915, (NT)
  • Gråkronefrøetar, Sporophila cinnamomea, Chestnut Seedeater, Lafresnaye, 1839, (VU)
  • Svartbukfrøetar, Sporophila melanogaster, Black-bellied Seedeater, Pelzeln, 1870, (NT)
  • Sørgjefrøsporv, Sporophila funerea, Thick-billed Seed-Finch, Sclater, 1859, (LC)
  • Småfrøsporv, Sporophila angolensis, Chestnut-bellied Seed-Finch, Linné, 1766, (LC)
  • Rosennebbfrøsporv, Sporophila nuttingi, Nicaraguan Seed-Finch, Ridgway, 1884, (LC)
  • Storfrøsporv, Sporophila maximiliani, Great-billed Seed-Finch, Cabanis, 1851, (NT)
  • Tjukknebbfrøsporv, Sporophila crassirostris, Large-billed Seed-Finch, Gmelin, 1789, (LC)
  • Svartnebbfrøsporv, Sporophila atrirostris, Black-billed Seed-Finch, Sclater & Salvin, 1878, (LC)
  • Kolfrøetar, Sporophila corvina, Variable Seedeater, P.L. Sclater, 1859, (LC)
  • Gråfrøetar, Sporophila intermedia, Gray Seedeater, Cabanis, 1851, (LC)
  • Krattfrøetar, Sporophila americana, Wing-barred Seedeater, Gmelin, 1789, (LC)
  • Amazonfrøetar, Sporophila murallae, Caqueta Seedeater, Chapman, 1915, (LC)
  • Kvithalsfrøetar, Sporophila torqueola, White-collared Seedeater, Bonaparte, 1850, (LC)
  • Halsbandsporv, Sporophila fringilloides, White-naped Seedeater, Pelzeln, 1870, (LC)
  • Sørgjefrøetar, Sporophila luctuosa, Black-and-white Seedeater, Lafresnaye, 1843, (LC)
  • Gulbukfrøetar, Sporophila nigricollis, Yellow-bellied Seedeater, Vieillot, 1823, (LC)
  • Gråryggfrøetar, Sporophila ardesiaca, Dubois's Seedeater, Dubois, 1894, (LC)
  • Beltefrøetar, Sporophila caerulescens, Double-collared Seedeater, Vieillot, 1823, (LC)
  • Skiferfrøetar, Sporophila schistacea, Slate-colored Seedeater, Lawrence, 1862, (LC)
  • Sotfrøetar, Sporophila falcirostris, Temminck's Seedeater, Temminck, 1820, (VU)
  • Storfrøetar, Sporophila frontalis, Buffy-fronted Seedeater, Verreaux, 1869, (VU)
  • Blyfrøetar, Sporophila plumbea, Plumbeous Seedeater, Wied, 1831, (LC)
  • Tropeirofrøetar, Sporophila beltoni, Tropeiro Seedeater, Repenning & Fontana, 2013, (VU)
  • Rustnakkefrøetar, Sporophila collaris, Rusty-collared Seedeater, Boddaert, 1783, (LC)
  • Kvitstrupefrøetar, Sporophila albogularis, White-throated Seedeater, Spix, 1825, (LC)

KjelderEndra

Referansar
  1. Ridgely, R. S., & G. Tudor (1989). The Birds of South America. Vol. 1. Univ. Texas Press, Austin
  2. Benites, P., Eaton, M. D., Lijtmaer, D. A., Lougheed, S. C. & Tubaro, P. L. (2010). Analysis from avian visual perspective reveals plumage colour differences among females of capuchino seedeaters (Sporophila). J. Avian Biology. 41: 597–602.
  3. 3,0 3,1 3,2 Mason, Nicholas & J Burns, Kevin. (2013). Molecular phylogenetics of the Neotropical seedeaters and seed-finches (Sporophila, Oryzoborus, Dolospingus). ORNITOLOGIA NEOTROPICAL. 24. 139-155
  4. Rômulo Romeu Nóbrega Alves, José Ribamar de Farias Lima and Helder Farias P. Arauj, The live bird trade in Brazil and its conservation, implications: an overview, BirdLife International 2012 https://doi.org/10.1017/S095927091200010X
  5. Schulenberg T. S., M. J. Iliff, B.L. Sullivan, C. L. Wood, T. A. Fredericks, og D. Roberson (august 2017), eBird/Clements Checklist v2017 (CSV), Cornell Lab of Ornithology, henta 1. september 2017 
  6. Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. med oppdateringar i 2017. Norsk Ornitologisk Forening sin nettstad (publisert 21.12.2017)

BakgrunnsstoffEndra

  Wikimedia Commons har multimedia som gjeld: Sporophila