Sporvehauk
Sporvehauk (Accipiter nisus) er ein rovfugl i haukefamilien.
| Sporvehauk | |
_male_-20200308_(2).JPG) Sporvehaukhann | |
 Sporvehaukhoe | |
| Utbreiing og status | |
Status i verda:  LivskraftigStatus i Noreg: Livskraftig[1] Utbreiinga av Sporvehauk | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Haukefuglar Accipitriformes |
| Familie: | Haukefamilien Accipitridae |
| Slekt: | Accipiter |
| Art: | Sporvehauk A. nisus |
| Vitskapleg namn | |
| Accipiter nisus | |
Skildring
endre
Sporvehauken er 28-38 cm og 110-340 g. Han har lang hale med 4-5 mørke tverrband og breie, avrunda venger. Hoa er størst. Ho er brungrå på oversida og tverrstripa brun på undersida. Hannen er grå på oversida og tverrstripa oransjeraud under.
Fuglen flyg med nokre få raske vengeslag som vert avløyst av glideflukt.
Utbreiing
endreSporvehauken finst i det meste av Europa og søraustover til det nordlege Iran. Andre underartar finst i Nord-Afrika og Asia.
Fuglen hekkar i skogområde over heile landet, men er fåtalig nord for Saltdalen.[2] I kystområda kan fuglen hekke heilt ut i dei ytste skogplantingane. Sporvehauken hekkar helst i tett skog, gjerne i yngre plantefelt av gran og furu. Han er også påvist som hekkefugl opp i fjellbjørkeskogen. I hekketida held sporvehauken seg til skogområda, medan han på hausten og vinteren vert observert jaktande opp til fjells og i byområde, gjerne ved fuglebrett.
Levesett
endreSporvehauken er ein rovfugl som mest jaktar på fuglar, men han tek òg smågnagarar.
Hoa legg 4-5 egg i mai og rugar dei i 40 dagar. Ungane vert flygedyktige etter 25-30 dagar.
Sporvehauken er ein trekkfugl som kjem i mars-april og reiser til område lenger sør i Europa, spesielt Danmark, Frankrike og Storbritannia, i september-oktober. Mange overvintrar i kyststrøk og ved byar og tettstadar.
-
Film av sporvehauk
Kjelder
endre- ↑ Stokke BG, Dale S, Jacobsen K-O, Lislevand T, Solvang R og Strøm H (24. november 2021). «Fugler: Vurdering av spurvehauk Accipiter nisus for Norge. Norsk rødliste for arter 2021.». Artsdatabanken. Henta 12. mars 2022.
- ↑ «Artsdatabankens artsopplysningar». Artsdatabanken. 12. mars 2022. Henta 12. mars 2022.
Bakgrunnsstoff
endre
Wikimedia Commons har multimedia som gjeld: Sporvehauk
- Norsk ornitologisk forening
- Norsk fugleatlas, 1994.