Stephen Bishop
Stephen Bishop (fødd 14. november 1951) er ein amerikansk songar-låtskrivar, skodespelar og gitarist.
| Stephen Bishop | |||
 Bishop i 1977 | |||
| Fødd | 14. november 1951 (73 år) | ||
|---|---|---|---|
| Fødestad | San Diego | ||
| Fødenamn | Earl Stephen Bishop | ||
| Opphav | San Diego i California i USA | ||
| Aktiv | 1975 til i dag | ||
| Sjanger | Rock, bluesrock, poprock, softrock | ||
| Instrument | Gitar, vokal | ||
| Plateselskap | ABC, Warner Bros. | ||
| Verka som | Musikar, songar-låtskrivar, skodespelar | ||
Han hadde ein stor hit i 1977 med songen «On and On», som nådde 11. plass i USA. Andre hittar han hadde var «Save It for a Rainy Day» «Everybody Needs Love», «Something New in My Life» og «It Might Be You», kjenningsmelodien for filmen Tootsie. Han har òg skrive mange andre filmtema, som National Lampoon's Animal House der han song i falsett, og julefilmen All I Want for Christmas.
Songen hans «Separate Lives», sungen av Phil Collins og Marilyn Martin frå filmen White Nights, vart nominert for ein Oscar i 1985, men tapte for «Say You, Say Me» frå same film. Bishop skreiv songen om brotet hans med skodespelarinna Karen Allen, som òg deltok i Animal House.
Bishop skreiv òg temaet for filmen Unfaithfully Yours i 1984. Songen vart mykje spelt på radio på den tida, men songen vart aldri gjeve ut på plate på den tida. I 1989 gav han ut det femte albumet sitt, Bowling In Paris med Phil Collins (medprodusent og musikar på somme songar), Eric Clapton, Sting, Steve Lukather, Ronnie Caryl, Michael Omartian (produsent og musikar på fleire spor), Mo Foster, Adrian Lee og fleire. I 1987 spelte norske Bobbysocks! inn «Walking on Air» (som «Walkin' on Air») for albumet deira Walkin' on Air.
Bishop'-songar som har gått inn på Billboard Hot 100 er «It Might Be You», som nådde 25. plass i 1983, «Save It For a Rainy Day» (22. plass i 1977); «On and On» (11. plass i 1977); og «Everybody Needs Love» (32. plass i 1978).
Diskografi
endreAlbum
endre- Careless (1976)
- Bish (1978)
- Red Cab to Manhattan (1980)
- Sleeping with Girls (1985; berre Asia)
- Bowling in Paris (1989)
- Blue Guitars (1994)
- Happy Bishmas (2002)
- Yardwork (2003)
- The Demo Album 1 (2003)
- The Demo Album 2 (2003)
- Fear of Messeage: Demo 3 (2004)
- Stephen Bishop Live (Live in Japan) (2006; berre Japan)
- America & Friends: Live At The Ventura Theater (2007; berre Japan)
- Saudade (2007; sidan gjeven ut som Romance in Rio)
Samleplater
endre- Best of Bish (1990)
- On And On: The Hits Of Stephen Bishop (1994)
- An Introduction to Stephen Bishop (1997)
- Back to Back (1999; delt med Michael Johnson)
- The Millennium Collection (2002)
Kjelder
endre- Denne artikkelen bygger på «Stephen Bishop (musician)» frå Wikipedia på engelsk, den 11. februar 2013.
- Wikipedia på engelsk oppgav desse kjeldene: