Story of My Life av Lesley Roy
| «Story og My Life» Song av Lesley Roy | ||
| Land | Irland | |
| Språk | Engelsk | |
| Utgjeve | 13. mars 2020 | |
| Sjanger | Dance-pop | |
| Lengd | 03:05 | |
| Selskap | Universal Denmark | |
| Komponist | Lesley Roy | |
| Tekstforfattar | Lesley Roy | |
| Låtskrivar(ar) | Lesley Roy, Robert Marvin, Catt Gravitt, Tom Shapiro | |
|---|---|---|
«Story of My Life» er ein song frå 2020 som vert framført av den irske songaren Lesley Roy. Songen vart vald av den irske kringkastaren RTÉ til å representere Irland i Eurovision Song Contest 2020 i Rotterdam i Nederland, men 18. mars 2020 avlyste EBU Eurovision Song Contest på grunn av koronaviruspandemien i Europa vinteren 2020.[1] Songen vart gjeven ut 5. mars 2020.
Bakgrunn
endre«Story of My Life» er skriven av den irske låtskrivaren Lesley Roy, saman med hennar favoritt-låtskrivarar i Nashville: Robert Marvin, Catt Gravitt og Tom Shapiro. «Vi ynskte noko 'uptempo' og triumferande som handlar om å overvinne vanskar i livet og å kome seg opp att seg», sa Lesley Roy då låten vart offentleggjort.[2]
Roy sjølv seier at ho vart «besett» av låten og skjønte aldri kva ho ville gjera med den: «Så det var ein kombinasjon av eit ynske om å dele denne songen som òg passar tida med der vi er i samfunnet akkurat no», sa ho i eit intervju i mars 2020.[3]
Hausten 2019 gjekk den irske kringkastaren RTÉ ut og inviterte irske låtskrivarar og artistar til å sende inn bidrag til vurdering for Eurovision Song Contest 2020. Lesley Roy sende inn songen, og den vart til slutt vald som det irske bidraget til Eurovision Song Contest 2020.[4] Songen vart offentleggjord 5. mars 2020 og ein musikkvideo til songen vart lansert same dag, regissert av Kate Dolan.[2]
I januar 2020 vart Irland trekt til å delta i den fyrste semifinalen av Eurovision Song Contest. Semifinalen skulle ha vore arrangert i Rotterdam Ahoy i Nederland torsdag 14. mai. På grunn av koronavirusutbrotet i Europa vinteren 2020 såg EBU seg nøydd til å avlyse Eurovision Song Contest for å hindra spreiing av koronaviruset SARS-CoV-2 og den medfølgjande sjukdomen covid-19.[5]
Kjelder
endre- ↑ Granger, Anthony (20. mars 2020). «Belgium: Hooverphonic Will Compete At Eurovision 2021» (på engelsk). Henta 20. mars 2020.
- ↑ 2,0 2,1 «Ireland's eyes on Eurovision glory this year with Lesley Roy». eurovision.tv. 5. mars 2020. Henta 5. mars 2020.
- ↑ «Story Of My Life our song for Irish Eurovision glory» (på engelsk). 5. mars 2020. Henta 5. mars 2020.
- ↑ «Lesley Roy will sing "Story Of My Life" for Ireland at Eurovision 2020» (på engelsk). 5. mars 2020. Henta 5. mars 2020.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- Denne artikkelen bygger på «Story of My Life» frå Wikipedia på bokmål, den 11. desember 2021.