Stripeand
Stripeand (Anas superciliosa) er ei mellomstor grasand i Anas-slekta som har leveområde frå Indonesia i vest, over Ny-Guinea, Australia, New Zealand og til øyar i sørvestre Stillehavet, like til Karolinane i Fransk Polynesia.
| Stripeand | |
,_Warriewood,_Sydney_(50425801576).jpg) Stripeand | |
| Status | |
Status i verda:  Livskraftig
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Andefuglar Anseriformes |
| Familie: | Andefamilien Anatidae |
| Slekt: | Anas |
| Art: | Stripeand A. superciliosa |
| Vitskapleg namn | |
| Anas superciliosa | |
Skildring
endreStripeanda er mørk brun, med markerte mørke striper på eit bleikt hovud, nebbet er grått. I flukt viser begge kjønn eit grønt vengespegl, speculum. Kroppslengda er ca. 55 centimeter og hannar veg ca. 1100 gram, hofuglar 100 gram mindre.
Dei føretrekk habitat i små innsjøar og elvar med svak straum i skogsområde, i våtmarksområde, men skyr unna landbruksområde og område med menneske. Dei lever òg på relativt små og fjerne øyar slik som Chathamøyane og Snareøyane.
Føda er først og fremst frø som dei siler ut frå vatnet, dessutan anna akvatisk vegetasjon. Ungfuglar og hoer før egglegging et mykje animalsk føde som virvellause dyr, sniglar og larver.
Egglegging skjer ofte frå slutten av august til slutten av desember. Kullet er typisk 10 egg som hoa rugar i ca. 27 dagar. Dei kan ha to kull i sesongen. Ungane er mørkt dunkledde ved klekking og flygedyktige etter ca. 60 dagar.
Populasjonen er estimert til mellom 180 000–1,2 millionar individ. (2006) Han har minka mykje dei siste tiåra.[1]
Kjelder
endre- Barrie Heather og Hugh Robertson, The Field Guide to the Birds of New Zealand (revised edition), Viking, 2005
- Referansar
- ↑ BirdLife International (2012) Species factsheet: Anas superciliosa. Henta frå http://www.birdlife.org den 21. juli 2012
Bakgrunnsstoff
endre- (no) Stripeand hos Artsdatabanken
- (en) Stripeand – oversikt og omtale av artane i WORMS-databasen
- (en) Stripeand i Encyclopedia of Life
- (en) Stripeand i Global Biodiversity Information Facility
- (en) Stripeand hos Fossilworks
- (en) Stripeand hos ITIS
- (en) Stripeand hos NCBI
- (en) Kategori:Anas superciliosa – bilete, video eller lyd på Wikimedia Commons
- (en) Anas superciliosa – galleri av bilete, video eller lyd på Wikimedia Commons
- Anas superciliosa – detaljert informasjon på Wikispecies
- Videoar, bilete og lydopptak av stripeender hos Internet Bird Collection