Svartryggkolibri
| Svartryggkolibri | |
 Svartryggkolibri, hofugl til venstre, hannfugl til høgre Litografi av John Gerrard Keuleman, 1880, public domain | |
| Utbreiing og status | |
Status i verda:  Nær truga Utbreiinga av Svartryggkolibri | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Overorden: | Neoaves |
| Orden: | Seglarfuglar Apodiformes |
| Familie: | Kolibriar Trochilidae |
| Underfamilie: | Lesbiinae |
| Stamme: | Lesbiini |
| Slekt: | Ramphomicron |
| Art: | Svartryggkolibri R. dorsale |
| Vitskapleg namn | |
| Ramphomicron dorsale | |
Svartryggkolibri (Ramphomicron dorsale) er ein mellomstor kolibri med sterkt avgrensa utbreiing høgt i Sierra Nevada de Santa Marta, langt nord i Colombia.
Skildring endre
Svartryggkolibrien er ein kolibri med stor kjønnsdimorfisme, hannen har uvanleg mørk overside og mørkst hovud, hofuglen er metallisk grasgrøn på oversida. Begge kjønn har gråleg, flekkete underside, der hannen er langt mørkare enn hoa. Hannen har iriserande strupe-bryst skjold i lyst olivengrønt. Begge kjønn har vengefjører med mørk overside, nebbet er mørkt, noko nedkurva og relativt kort. Halen er kløfta, lillasvart og nokså lang. Kroppslengde deira er ca. 9 til 10 centimeter, og vekta ca. 3,5 gram.
Leveområdet deira ligg høgt, over 2000 moh. heilt opp til 4600 moh. Habitatet er fuktig elfinskog og alpin páramo med fjellvegetasjon. Dei lever av nektar og beitar på blomar på plantar av fleire familiar mellom anna maurefamilien, lyngfamilien og klokkefamilien. Ein har funne at dei gjer sesongbaserte vertikale trekk mot lågare høgd i mai til juni månad.
Det finst ikkje kjent estimat for bestanden, han er uvanleg i utbreiingsområdet og klassifisert av IUCN som sterkt truga, EN.
Kjelder endre
- Züchner, T. and P. F. D. Boesman (2020). Black-backed Thornbill (Ramphomicron dorsale), version 1.0. I Birds of the World (J. del Hoyo, A. Elliott, J. Sargatal, D. A. Christie, og E. de Juana, Editors). Cornell Lab of Ornithology, Ithaca, NY, USA. https://doi.org/10.2173/bow.blbtho1.01
- BirdLife International (2023) Species factsheet: Ramphomicron dorsale. Henta frå http://www.birdlife.org den 9. august 2023
- Referansar
Bakgrunnsstoff endre
Wikimedia Commons har multimedia som gjeld: Svartryggkolibri
- Bilete av hannfugl flickr.com, henta 14. mai 2015