Synnøve Svabø

Synnøve Svabø (fødd 22. september 1968) er ein norsk journalist og programleiar på TV og radio. Ho starta karrieren sin som journalist i radioprogram som Nitimen og Reiseradioen før ho byrja på Høgskulen i Volda. Seinare byrja ho i P3 som utereporter i XS og XL. Ho har vore reporter og programleiar for ei rekkje TV-program, i hovudsak hos NRK. Ho er i 2021 programleiar i Nitimen.

Synnøve Svabø
Statsborgarskap	Noreg
Fødd	22. september 1968 (56 år) Sunnmøre
Yrke	arrangementvert, programleiar, journalist

Karriere

Svabø er utdanna journalist frå Høgskulen i Volda i 1992 og vart same år tilsett i NRK. Ho var først å sjå som stuntreporter i Petter Nomes TV-serie Rondo hausten 1994 og våren 1995. I 1995–1996-sesongen hadde ho rollen som den innovative og impulsive programleiaren i underhaldningsserien Baluba på NRK-TV. Deretter vart ho ein av dei meste nytta programleiarane på underhaldningsprogramma til kanalen. Etter ein periode i TV 2 frå 1999 til 2001 kom ho attende som programleiar i NRK i 2003 og var blant annan programleiar i underhaldningsserien På tråden med Synnøve (2006).

I 2009 var ho NRK sin kommentator i finalen og semifinalane i Eurovision Song Contest 2009. Stil hennar vekte tildels sterke reaksjonar frå delar av det norske publikum som meinte ho førte ein «frekk» og «vulgær» tone under programmet, og at ho snakka for mykje under poengoppramsinga. NRKs publikumsservice mottok rekordmange klager frå sinte sjåarar etter opptredenen hennar. Blant desse var òg leiaren for Kringkastingsrådet i NRK, Kjellaug Nakkim.

Privatliv

Svabø er fødd på Sunnmøre, men voks opp på Austlandet. Ho er gift med Stein Olav Lervik og har to barn. Ho er kusine til journalisten Terje Svabø. Ho gjekk i klasse med Johann Olav Koss og Baren-vinnaren Bjørn Sjulstok på barne- og ungdomsskulen.

TV-opptredenar

• Eurovision Song Contest 2009 Kommentator
• På tråden med Synnøve (2006)
• Norsk Melodi Grand Prix 2007 (med Stian Barsnes-Simonsen)
• Norsk Melodi Grand Prix 2006 (med Stian Barsnes-Simonsen)
• Sommarlaurdag (2005) (ein del av Sommeråpent)
• Frukost-TV (2003)
• Synnøves duell (2001)
• Sommeråpent
• TV2000 (1999)
• Weekend Globoid (1998)
• Baluba (1995–96)
• Rondo (1993–95)

Film

• Buddy (2003)

PC-spel

• Den lengste reisen (1999)

Radio

• Reiseradioen
• Nitimen (2004)

Kjelder

• Denne artikkelen bygger på «Synnøve Svabø» frå Wikipedia på bokmål, den 30. november 2021.