Taftanaz
Taftanaz (arabisk تفتناز, òg skrive Teftanaz) er ein by nordvest i Syria i Idlib guvernement, 17 kilometer nordaust for Idlib. Av stader i nærleiken finn ein Ta'um og Binnish i sørvest, Maarrat Misrin i vest, Zardana i nordvest, Maarrat al-Ikhwan i nordaust og Bawabiyah i aust. Taftanaz er hovudsakleg ein jordbruksby og består av betongbygningar. Han er omgjeve av kveiteåkrar.[2]
| Taftanaz | |||
| تفتناز, Teftanaz | |||
| by | |||
| Land |  Syria
| ||
|---|---|---|---|
| Guvernement | Idlib | ||
| Distrikt | Idlib | ||
| Nahiyah | Taftanaz | ||
| Koordinatar | 35°59′49″N 36°47′12″E / 35.99694°N 36.78667°E | ||
| Folketal | 8 540 (2004)[1] | ||
| Tidssone | EET (UTC+3) | ||
 Taftanaz 35°59′53″N 36°47′05″E / 35.998055555556°N 36.784722222222°E | |||
  Kart som viser Taftanaz.
| |||
| Wikimedia Commons: Aleppo | |||
I følgje Statistisk sentralbyrå i Syria (CBS), hadde Taftanaz eit folketal på 8 540 i 2004.[1] Byen er òg det administrative senteret i Taftanaz nahiyah som består av fem landsbyar med eit samla folketal på 24 145.[1] Innbyggjarane er hovudsakleg sunnimuslimar.[3]
Historie
endreNamnet «Taftanaz» er verken arabisk eller tyrkisk. I staden har namnet truleg hettittisk opphav.[4] Taftanaz vart nemnt i ein inskripsjon i Karnak-tempelet som ein av stadane som vart erobra av Thutmose III under det 18. dynastiet i Egypt på 1400-talet fvt.[5]
Den syriske borgarkrigen
endreInnbyggjarane i Taftanaz deltok i fleire demonstrasjonar mot den syriske regjeringa frå april 2011 og frametter, i starten av den syriske borgarkrigen. Mellom den første demonstrasjonen i april 2011 og april 2012, raida tryggingsstyrkar byen fire gonger. I oktober 2011 førte kampar mellom den syriske hæren og lokale opprørarar til at fem menneske mista livet i Taftanaz.[2] Den 21. mars 2012 førte harde kampar mellom hæren og opprørarne til at opprørarane vart tvungen ut av Taftanaz.[6]
Den 3. april 2012 bomba den syriske hæren Taftanaz før dei sette i gang eit tre dagar langt åtak mot byen. Minst 62 menneske skal ha mista livet og i juni hadde to tredjedelar av innbyggjarane flykta frå byen.[2] Andre kjelder skreiv at 56 innbyggjarar mista livet og at 60% av innbyggjarane hadde flykta, hovudsakleg nordover til Tyrkia.[7] Sjølv om innbyggjarane hevda at det var få opprørarar i byen, var opprørarar frå det generelle området ansvarlege for fleire åtak der ni stridsvogner vart øydelagde og fleire soldatar mista livet.[2]
Kjelder
endre- Denne artikkelen bygger på «Taftanaz» frå Wikipedia på engelsk, den 13. juni 2014.
- Wikipedia på engelsk oppgav desse kjeldene:
- Palestine Exploration Fund (1881). Quarterly Statement. Published at the Fund's Office.
- Birch, Samuel (1891). Records of the Past 5. Forgotten Books. ISBN 1440060673.
- ↑ 1,0 1,1 1,2 Folketeljing 2004. Syrisk statistisk sentralbyrå (CBS). Idlib guvernement. (arabisk)
- ↑ 2,0 2,1 2,2 2,3 Hubbard, Ben (18. juni 2012). «Syria Crisis: Taftanaz Massacre Haunts Town 2 Month Later». The Huffington Post. Originally published by Associated Press. Henta 13. juni 2014.
- ↑ Abouzeid, Rania. Going Rogue: Bandits and Criminal Gangs Threaten Syria’s Rebellion. TIME. 2012-07-30.
- ↑ Palestine Exploration Fund, 1881, s. 222.
- ↑ Birch, 1891, s. 38.
- ↑ Syria Live Blog. Al Jazeera English. 2012-03-21.
- ↑ Espinosa, Javier. Syria: Defiance of village where army killed 39 from a single family. The Guardian. 2012-06-08.