Idlib
Idlib (arabisk ادلب, òg skrive Edlib eller Idleb) er ein by nordvest i Syria og hovdustaden i Idlib guvernement, 59 km vest for Aleppo. Han ligg nestne 500 meter over havet. I 2004 talde Statistisk sentralbyrå i Syria eit folketal på 98 791 i Idlib. Innbyggjarane er stort sett sunnimuslimar,[2] men det er òg ein større kristen minoritet. Idlib er delt inn i seks bydelar: Ashrafiyeh (den mest folkerike), Hittin, Hejaz, Downtown, Hurriya og al-Qusur.
| Idlib | |||
| ادلب | |||
| by | |||
 Typsike olivenlundar i dalane kring Idlib
| |||
| Land |  Syria
| ||
|---|---|---|---|
| Guvernement | Idlib guvernement | ||
| Distrikt | Idlib-distriktet | ||
| Høgd | 500 moh. | ||
| Koordinatar | 35°56′N 36°38′E / 35.933°N 36.633°E | ||
| Folketal | 98 791 (2004[1]) | ||
| Retningsnummer | 23 | ||
 Idlib 35°56′00″N 36°38′00″E / 35.933333333333°N 36.633333333333°E | |||
  Kart som viser Idlib.
| |||
| Wikimedia Commons: Idlib | |||
| Nettstad: eIdleb | |||
Idlibområdet er eit stort jordbrukssenter i Syria og er historisk viktig med mange «daudebyar» og menneskelagde tellar. Idlib omfattar den antikke byen Ebla, ein gong hovudstaden i eit mektig kongedøme,[3] den antikke kongedøma Nuhašše og Luhuti som blømde i bronse- og jernalderen.[4]
Historie
endreDen osmanske tida
endreUnder Det osmanske riket i Syria, mellom 1500- og 1800-talet, var Idlib hovudstad i ein kada («nahiyahhovudstad») og ein del av det større Aleppo vilajet («provinsen Aleppo.»)[5] Byen var eit senter for olivenproduksjon som igjen gav opphav til ein lønsam olivenbasert såpeindustri. Sjølv omde i store marknadane for Idlib-såpe var Aleppo, Antiokia og Hama,[6] vart produktet eksportert så langt som den osmanske hovudstaden Istanbul. Idlib var òg ein storprodusent av bomullsfabrikkar.[7] Den vestlege turisten Josias Leslie Porter skreiv at Idlib var «omslutta av olivenlundar, sjeldan i dette nakne området.» Han skreiv òg at olivelundane var større enn dei i Damaskus, Beirut eller Gaza. Midt på 1800-talet hadde byen eit estimert folketal på 8 000, inkludert 500 kristne.[6] Seint på 1800-talet auka talet på kristne familiar i følgje tyske forfattarar som arbeidde for Karl Baedeker.[5]
Klima
endreKöppen-Geiger-systemet klassifiserer klimaet her som varmt Middelhavsklima (Csa).[8] Somrane er varme og regnfattige, medan vintrane er regnfulle og kjølige.
Varmerekorden er frå 16. juni 2012 og er på 44 ºC, medan kulderekorden frå 30. november 2011 er -4 ºC.[9]
| Vêrdata for Idlib | |||||||||||||
|---|---|---|---|---|---|---|---|---|---|---|---|---|---|
| Jan | Feb | Mar | Apr | Mai | Jun | Jul | Aug | Sep | Okt | Nov | Des | År | |
| Høgast målte °C | 20 | 21 | 26 | 35 | 37 | 44 | 42 | 39 | 38 | 37 | 29 | 24 | 44 |
| Gjennomsnittleg maks °C | 9,9 | 12,2 | 16,7 | 22,2 | 28 | 31,7 | 33,2 | 34,2 | 31,8 | 26,7 | 18,7 | 12,2 | 23,1 |
| Døgnmiddeltemperatur °C | 6,2 | 7,7 | 11,3 | 15,8 | 20,9 | 25 | 27,1 | 27,8 | 25,1 | 20 | 13 | 8,1 | 17,3 |
| Gjennomsnittleg min °C | 2,5 | 3,2 | 6 | 9,5 | 13,8 | 18,4 | 21 | 21,4 | 18,4 | 13,4 | 7,4 | 4 | 11,6 |
| Lågast målte °C | −2 | −3 | 1 | 3 | 8 | 15 | 18 | 20 | 15 | 4 | −4 | −4 | −4 |
| Gjennomsnittleg nedbør mm | 97 | 88 | 59 | 41 | 18 | 5 | 0 | 0 | 6 | 25 | 41 | 93 | 473 |
| Kjelde: Climate-Data.org (altitude: 432m)[8]Voodoo Skies for temperaturrekordar[9] | |||||||||||||
Økonomi
endreHovudnæringa i Idlib er oliven, bomull, kveite og frukt, særleg kirsebær.[3] Andre avlingar er mandelar, sesamfrø, fiken, druer og tomatar.[10] I 1995 var det kring 300 hektar med forskjellige sitrusavlingar.[11] Olivenoljepressing og tekstilar er somme av dei lokale industriane i byen.[10] Den nærliggande byen Aleppo har vore økonomisk viktig for Idlib.[3]
Idlib regionsmusem i byen har over 17 000 Ebla-tavler og er hovudattraksjonen i Idlib, om ein ser bort frå sjølve antikkbyen Ebla. Ved hjelp fra Italia starta eit prosjekt i 2010 for å restaurere og renovere museet.[12]
Idrett
endreOmayya Idlib, grunnlagd i 1972, er den mest populære fotballklubben i byen. Klubben spelte i den øvste divisjonen i Syria i 2011-2012. Idlib stadion er den største fotballstadionen i byen.
Galleri
endre-
Austromersk tempel i Ruweiha nær Idlib -
Armanaz, nær Idlib
_Syria.jpg)
Kjelder
endre- Denne artikkelen bygger på «Idlib» frå Wikipedia på engelsk, den 12. juni 2014.
- Wikipedia på engelsk oppgav desse kjeldene:
- Baedeker, Karl (1912), Palestine and Syria, with routes through Mesopotamia and Babylonia and the island of Cyprus: handbook for travellers, K. Baedeker
- Casule, F. (2008), Art and History of Syria, Casa Editrice Bonechi, ISBN 8847601193
- Angelo, Ferrari (2009), Proceedings 4th International Congress on «Science and Technology for the Safeguard of Cultural Heritage in Middelhavet Basin" 1, Angelo Ferrari-CNR, Institute of Chemical Methodologies, ISBN 889668031X
- Food and Agriculture Organization of the United Nations (1996). Citrus Pest Problems and Their Control in the Det nære austen. Food & Agriculture Org. ISBN 9251033013.
- Inalcik, Halil (1997), An Economic and Social History of the Ottoman Empire, Cambridge University Press, ISBN 0521574552
- Porter, Josias Leslie (1858). A Handbook for Travellers in Syria and Palestine 1. Murray.
- ↑ Idlib folketal, arkivert frå originalen 13. mars 2013, henta 12. juni 2014
- ↑ Mroue, Bassem. «Syrian forces capture rebel stronghold near Turkey". The Salt Lake Tribune. Associated Press. 12. juni 2011. Henta den 12. juni 2011.
- ↑ 3,0 3,1 3,2 Casule, 2008, s.56.
- ↑ John David Hawkins. Inscriptions of the Iron Age: Part 1. s. 400.
- ↑ 5,0 5,1 Baedeker, 1912, s.376.
- ↑ 6,0 6,1 Porter, 1868, s. 580.
- ↑ Inalcik, 1997, s.501.
- ↑ 8,0 8,1 «Climate: Idlib - Climate graph, Temperature graph, Climate table». Climate-Data.org. Henta 11. juni 2014.
- ↑ 9,0 9,1 «Idlib i Syria». Voodoo Skies. Henta 11. juni 2014.
- ↑ 10,0 10,1 Idlib in Syria. Encyclopaedia Britannica. Encyclopaedia Britannica Inc. 2012. Henta den 12. juni 2011.
- ↑ Food and Agriculture Organization of Dei sameinte nasjonane, 1996, s. 147.
- ↑ Ferrari, 2009, s. 522.
Bakgrunnsstoff
endre- eIdleb - nyhende frå Idleb