Tapani Talo

Tapani Talo (fødd i 1950 som Tapani Tapanainen) er ein finsk-amerikansk arkitekt, som òg har arbeid som lydteknikar. Han er mest kjend som studioteknikar for Rolling Stones Mobile tidleg og midt i 1970-åra.

Tapani Talo
Fødd	1950 (74 år)
Opphav	USA
Verka som	arkitekt

Karriere

Han vart fødd i Lahti i Finland i 1950 og flytta til Australia saman med foreldra då han berre var eitt år gammal. Familien returnerte til Finland i slutten av 1950-åra. Talo jobba som lydteknikar i Dipoli kongressenter i Otnäs i Esbo frå 1967 til 1972. Samtidig arbeidde han som frilansfotograf for ulike magasin og var òg DJ.

I desember 1972 drog han til Abbey Road Studios i London og enda opp med å jobba for George Martin sitt Associated Independent Recording-studio. I februar 1973 jobba han som teknikar på Black Sabbath sine konsertar i Europa, og frå desse opptaka laga dei livealbumet Live at Last. I mars same år var han i Frankrike for å spela inn eit album for bandet kalla Tucky Buzzard. Produsenten deira var Bill Wyman, som deretter hyra Talo til å jobba for Rolling Stones sitt mobilstudio. Der jobba han fram til 1977.

I 1974 byrja Talo arkitektstudia i London og heldt fram dei i Indiana etter at han flytta til USA i 1977. Sidan 2002 har han drive sitt eige studio, NY Super Studio Architects i New York.

Innspelingar

• Black Sabbath: Live at Last (1973/1980)
• Traffic: On the Road (1973)
• The Rolling Stones: Brussels Affair (1973/2011)
• The Rolling Stones: It's Only Rock 'n Roll (1974)
• Deep Purple: Burn (1974)
• The Who: Greatest Hits Live (1974/2010)
• The Rolling Stones: Black and Blue (1976)
• Deep Purple: Made in Europe (1976)
• Led Zeppelin: Led Zeppelin DVD (1975/2003)
• Bad Company: Run with the Pack (1976)
• The Rolling Stones: Love You Live (1977)
• Rainbow: Live in Germany 1976 (1976/1990)
• Status Quo: Live! (1977)

Kjelder

• Denne artikkelen bygger på «Tapani Tapanainen» frå Wikipedia på engelsk, den 12. juli 2023.
  • Wikipedia på engelsk oppgav desse kjeldene: