Teheran-provinsen

Teheran-provinsen (persisk استان تهران Ostān-e Tehrān) er ein av 31 provinsar i Iran. Han dekkjer eit areal på 18 909 km² og ligg nord for det sentrale platået i Iran.

Teheran-provinsen
استان تهران
Provins
Towers in Tehran City at night.jpg
Land Flag of Iran.svg Iran
Region Region 1 [1]
Fylke 16
Hovudstad Teheran
Areal 18 814 km²
Folketal 15 267 637 (2017) [2]
Folketettleik 812 / km²
Tidssone IRST (UTC+03:30)
 - Sommartid IRDT (UTC+04:30)

Teheran-provinsen
35°42′42″ N 51°24′25″ E
Wikimedia Commons: Tehran Province

Provinsen vart plassert i Region 1 der det administrative senteret for regionen vart oppretta i hovudstaden Teheran, då provinsane i Iran vart fordelt i regionar i 2014.[1]

Teheran-provinsen grensa ril Mazandaran i nord, Qom-provinsen i sør, Semnan-provinsen i aust og Alborz-provinsen i vest. Storbyen Teheran er hovudstad både i provinsen og i Iran. I 2004 hadde provinsen 13 bydistrikt, 43 kommunar og 1 358 landsbyar.

Teheran-provinsen er den mest velståande provinsen i Iran og bidrar til kring 29 % av BNP i landet. I tillegg husar han 18 % av alle innbyggjarane i landet. Teheran-provinsen er den mest industrialiserte provinsen i Iran. 86,55 % av innbyggjarane bur i urbane strøk, og 13,5 % på landsbygda.

Provinsen vart viktig då Teheran vart hovudstad for Qajar-dynastiet i 1778. I dag har Teheran meir enn sju millionar innbyggjarar og er blant dei 20 mest folkerike storbyane i verda.

GeografiEndra

Provinsen Teheran har over 12 mlilionar innbyggjarar og er den tettast folkesette regionen i Iran. Dei største elvane i provinsen er Karajelva og Jajrud.

Fjellkjeder som Alborz strekkjer seg over det nordlege området. Savad Kooh og Firooz Kooh ligg i nordaust, Lavasanat, Qarah Daq, Shemiranat, Hassan Abad og Namak-fjella ligg i sør, Bibi Shahr Banoo og Alqadr ligg i søraust og Qasr-e-Firoozeh-høgdene ligg i aust.

Klimaet i Teheran-provinsen er varmt og tørt, men i fjellområda i nærleiken er det kaldt og halvtørt. I dei høgareliggande områda er det kaldt med lange vintrar. I dei varmaste månadane frå midten av juli til midten av september, er middeltemperaturne kring 28-30 ºC, medan dei kaldaste månadane i desember og januar har ein middeltemperatur på kring 1 ºC, men kan stundom gå så lågt som -15 ºC. Teheran by har moderate vintrar og varme somrar. Årsmiddelnedbøren er kring 200 mm og det meste kjem om vinteren. I alt har provinsen eit halvtørt steppeklima i sør og fjellklima i nord.

KjelderEndra

  1. 1,0 1,1 همشهری آنلاین-استان‌های کشور به ۵ منطقه تقسیم شدند
  2. «National census 2016». amar.org.ir. Henta 6. mars 2021. []