Kvithovudalbatross
Kvithovudalbatross (Thalassarche carteri) er ein albatrossart som hekkar på øyar i sørlege Indiahavet, med størst hekkepopulasjon på Île Amsterdam. Det engelske artsnamnet er Indian yellow-nosed albatross eller Indian Yellow-nosed Mollymawk. Dette taksonet er tradisjonelt, og per 2023 av somme som Clementslista ('eBird/Clements checklist'), rekna som ein underart av gulnasealbatross, Thalassarche chlororhynchos.
| Kvithovudalbatross | |
 Thalassarche carteri søraust for Tasmania Foto: JJ Harrison
| |
| Status | |
| Status i verda: | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Stormfuglar Procellariiformes |
| Familie: | Albatrossfamilien Diomedeidae |
| Slekt: | Thalassarche |
| Art: | Kvithovudalbatross T. carteri |
| Vitskapleg namn | |
| Thalassarche carteri | |
Skildring
endreKvithovudalbatross er ein liten albatross i denne biologiske slekta, med ei kroppslengd på ca. 76 cm, vengespenn på 200 cm og dei kan ha kroppsvekt i området 1,8-2,9 kg. Han har ei slank kroppsbygging med smale venger og relativt tynnt nebb.[1] Undersida er kvit, undervengen har ei tynn mørk rand både i framkant og bakkant, ryggen, overside av vengen og halefjørene er mørke. Hovudet er i mest kvitt, kjakane har gråleg skugge, men er langt lysare enn på gulnasealbatross. Eit anna kjenneteikn som skil han frå gulnasealbatrossen er den mørke flekken rundt auga som nesten ikkje er synleg på T. carteri. Nebbet er mørkt med ei gul stripe på oversida.[2] Leveområdet utanom hekketida er i sørlege Indiahavet og austover til New Zealand.[3] Populasjonen er trudd å vere ca. 83 000 individ og er minkande.[3]
Kjelder
endre- BirdLife International (2022) Species factsheet: «Thalassarche carteri». Henta frå http://www.birdlife.org den 7. mars 2022
Referansar
endre- ↑ Scofield, Paul; Brent Stephenson (2013). Birds of New Zealand - A photographic guide. Auckland: Auckland University Press. ISBN 978-0300196825.
- ↑ Onley, D.; Scofield, P. 2007. Albatrosses, petrels and shearwaters of the world. Helm Field Guide, Princeton University Press.
- ↑ 3,0 3,1 BirdLife International (2014)
Bakgrunnsstoff
endre- (en) Kvithovudalbatross – oversikt og omtale av artane i WORMS-databasen
- (en) Kvithovudalbatross i Global Biodiversity Information Facility
- (en) Kvithovudalbatross hos ITIS
- (en) Kvithovudalbatross hos NCBI
- (en) Kategori:Thalassarche carteri – bilete, video eller lyd på Wikimedia Commons
- Thalassarche carteri – detaljert informasjon på Wikispecies
