Tintern Abbey i County Wexford
Tintern Abbey er eit tidlegare cistersiensar-kloster på Hook-halvøya i County Wexford på Irland. Det er no ein ruin med status som «National Monument of Ireland» og tilhøyrer den irske staten.
| Tintern Abbey | |||
 | |||
| Stad | Hook Peninsula i County Wexford i Irland | ||
|---|---|---|---|
| Opna | ca. 1200[1] | ||
| Stengd | 25. juli 1539 | ||
| Stil | Cistersiensisk | ||
 Tintern Abbey i County Wexford 52°14′13″N 6°50′16″W / 52.237027777778°N 6.8378333333333°W | |||
Klosteret blei skipa rundt 1200 av William Marshal, jarlen av Pembroke, etter ein lovnad han hadde gjort etter at båten hans var i vanskar under ein storm i nærleiken.[1] Den nøyaktige datoen for grunnlegginga er ukjend. Kyrkjehistorikaren J.H. Bernard la i ein analyse frå 1917 for Royal Irish Academy fram 3. desember 1200 som ein mogleg grunnleggingsdato.[2]
Etter grunnlegginga blei det busett av munkar frå Tintern Abbey i Monmouthshire i Wales, som Marshal også støtta. For å skilja mellom dei blei moderhuset i Wales nokre gonger kalla «Tintern Major» og det irske klosteret «Tintern de Voto» (Lovnads-Tintern).[3]
Etter oppløysinga av klostervesenet i Storbritannia og Irland blei klostereigedommen først gjeven til sir James Croft, og deretter til Anthony Colclough frå Staffordshire, ein soldat for Henrik VIII, i 1575. Etterkomarane hans blei kjende som Colclough-baronettane. Den siste frå Colclough-familien som budde i Tintern var Lucey Marie Biddulph Colclough, som donerte eigedommen til den irske statem.[4]
Mellom 1982 og 2007 utførte National monuments of Ireland fleire utgravingar på staden og utvikla klosteret for vitjande.[5][3] Dei utforma også ein verneplan for lokale flaggermuskoloniar.[6] Ein brann i 2012 skadde delar av bygningsmassen frå 1800-talet.[7][3]
Galleri
endre-
Tintern abbey -
Grounds and river
.jpg)
.jpg)
Kjelder
endre- ↑ 1,0 1,1 «Churches, Abbeys and Monasteries - Tintern Abbey». discoverireland.ie. Fáilte Ireland. Henta 25. januar 2018.
- ↑ Bernard, J.H. (March 1917). «Foundation of Tintern Abbey (Co. Wexford)». Proceedings of the Royal Irish Academy (Hodges, Figgis & Co. Ltd (Dublin)). XXXIII (17): 528.
- ↑ 3,0 3,1 3,2 «Tintern Cistercian Abbey». Monastic Ireland. The Discovery Programme. Henta 25. januar 2018.
- ↑ «Tintern Abbey». wexfordweb.com. Wexford Web. Arkivert frå originalen 25. mai 2011. Henta 5. mai 2011.
- ↑ «Abbey loses one set of visitors and gets ready for another». irishtimes.com. Irish Times. 11. februar 1998. Henta 25. januar 2018.
- ↑ «Abbey permits special access for bats». irishtimes.com. Irish Times. 14. juli 1999. Henta 25. januar 2018.
- ↑ «Fire at Tintern 'may have been arson'». Irish Independent. Independent News & Media. 24. juli 2012. Henta 25. januar 2018.
- Denne artikkelen bygger på «Tintern Abbey, County Wexford» frå Wikipedia på engelsk, den 26. mars 2020.
