Torgeir Bjørn
Torgeir Bjørn (fødd 9. mars 1964) er ein norsk tidlegare langrennslaupar og seinare sportskommentator, fødd i Alvdal.[1] Han vart norsk meister i 3 x 10 km stafett med Bjerke IL i 1989 og 1990, samt med Nannestad SK i 1993. Individuelt vart han ikkje betre enn nummer 4 i noregsmeisterskap, noko han vart fem gonngar. Faren, Kristian Bjørn, var og ein merittert skilaupar med mellom anna bronse på 4x10 km stafett i VM på ski i 1950 i Lake Placid.
| Torgeir Bjørn | |
| Statsborgarskap | Noreg |
| Fødd | 9. mars 1964 (60 år) Alvdal |
| Idrett | langrenn |
| Tok del i | Vinter-OL 1988 |
Langrennar
endreTorgeir Bjørn vart norsk juniormeister på 15 km i 1983 – saman med syskjenbarnet Jan Erik Bjørn vart det dobbeltsiger. Torgeir Bjørn var på landslaget i fleire år og gjekk inn til ellevteplass på 50 km fristil i OL i Calgary i 1988. I sin beste sesong, 1990-sesongen, kom han på 16. plass i verdscupen i langrenn.
Medaljar og besteplasseringar i noregsmeisterskap
endre- Ski-NM 1986: Nr 4 på 15 km på Vang
- Ski-NM 1987: Nr 12 på 30 km i Steinkjer
- Ski-NM 1988: Nr 6 på 15 km på Vang
- Ski-NM 1989: Nr 4 på 15 km og på 50 km på Geilo. Stafett-gull med Bjerke IL
- Ski-NM 1990: Nr 4 på 15 km på Gjøvik. Stafett-gull med Bjerke IL
- Ski-NM 1991: Nr 4 på 30 km i Misvær
- Ski-NM 1992: Stafett-bronse med Nannestad SK i Molde
- Ski-NM 1993: Stafett-gull med Nannestad SK på Dombås
Sportskommentator
endreFrå midten av 1990-talet har Bjørn vore sportskommentator for NRK både på TV og i radio.[2] I hovudsak kommenterer han langrenn, men også skiskyting.
Langrennstrenar
endreEtter 10 års samarbeid med trenaren Roger Grubben, innleidde skiskyttaren Ole Einar Bjørndalen i 2010 eit samarbeid med Torgeir Bjørn som hovudtrenar.[3]
Kjelder
endre- ↑ «Torgeir Bjørn». sports-reference.com. Arkivert frå originalen 16. september 2011. Henta 2. januar 2010.
- ↑ Bratland, Tore Ulrik (25. november 2020). «Drastiske NRK-grep». dagbladet.no (på norsk). Henta 14. mars 2021.
- ↑ «Bjørndalen bryter med suksesstrener», av Andreas Budalen på nrk.no 20. juli 2010
- Denne artikkelen bygger på «Torgeir Bjørn» frå Wikipedia på bokmål, den 21. august 2021.