Torshov

	Torshov
	stad
	Luftfoto av Torshov, Sandaker og Grefsen i 2018.
Land	Noreg
	; Torshov; 59°56′01″N 10°45′51″E / 59.933730555556°N 10.764219444444°E
	Wikimedia Commons: Torshov

Torshov er eit sokn og strøk nord for Grünerløkka med namn etter Torshov gard.^[1]^[2]

Namnet «Torshov» er sett saman av det norrøne gudenamnet Þórr (Tor) og hov («heidensk gudshus» eller «høgd»). Det er dokumentert som i-stad i 1370 («i þossofuue»), men er i dag på-stad. Uhistoriske skrivemåtar som Thorshoug og Torshaug kjem av at etterfestet -hov i uttala har falle saman med haug.^[1]^[2]

Historie

Torshov har industriområde langs Akerselva og høyrer saman med industriutbygginga av Sagene. Lengjer aust fanst tidlegare løkker og småhus, ein forstadsbusetnad innlemma i byen 1878. Kommunen kjøpte 270 daa (270 000 m²) i 1916, og det blei oppført bustadskompleks i tida 1917–1925. Det ligg ein leigegardsbusetnad frå slutten av 1800-talet i vest. I sør og aust ligg bustadsblokker og høghus oppførte i seinare år på tomtene etter småhusbusetnaden frå 1800-talet.

Infrastruktur og bygningar

Vogts gate fungerer som hovudgata til strøket. Gata er trafikkert av trikkar mellom sentrum og Kjelsås. Langs Vogts gate ligg fleire kaffibarar, restaurantar og kafear.

Parkar i strøket er Torshovparken, Torshovdalen, Torshov kirkepark og Haarklous plass.

Torshov offentlege skule blei oppført i 1878. Torshov blei skilt ut frå Sagene som eiga forsamling i 1930. Torshov kyrkje blei innvigd i 1958. Torshovstrøket er skildra i Oskar Braaten sine forteljingar og skodespel.

Torshov kirkepark
Musikkpaviljong i Torshovparken
Foto: Gisle Hannemyr
Kart frå 1861 som viser Torshov-gardane og den eldste busetnaden langs Sandakerveien og Akerselva.
Kartet frå 1887 viser den eldste bybygginga på Torshov. Område med loddrett skravur blei innlemma i byen i 1859, medan områda austom Sinsenbekken (vassrett skravur) kom med i 1878.