Saint Ann Parish
Saint Ann Parish er eit parish (tilsvarande fylke) på Jamaica som ligg nord på øya. Det grensar til Saint Mary Parish i aust, Saint Catherine i søraust, Clarendon i aust og Trelawny i vest. I nord har det kyst mot Det karibiske havet.
| Saint Ann | |||
| fylke | |||
 Utsyn frå Ocho Rios.
| |||
| Land |  Jamaica
| ||
|---|---|---|---|
| Region | Middlesex | ||
| Hovudstad | Saint Ann's Bay | ||
| Areal | 1 212,6 km² | ||
| Folketal | 174 173 (2014)[1] | ||
 Saint Ann Parish 18°12′00″N 77°28′01″W / 18.2°N 77.467°W | |||
 Kart som viser Saint Ann Parish.
| |||
| Wikimedia Commons: Saint Ann Parish | |||
Fylket har namn etter Anne Hyde, den første kona til kong Jakob II av England. Administrasjonssenteret er hamnebyen Saint Ann's Bay. Fylket omfattar den første staden Columbus skal ha gått i land på Jamaica, Discovery Bay, og staden for første spanske busetnaden på Jamaica, Sevilla la Nueva. Andre viktige byar i fylket er Brown's Town i innlandet og Ocho Rios med hamn for cruiseskip.
Turisme er den viktigaste næringsvegen i fylket, som har mange strender, den kjende fossen Dunn's River Falls og ei rekkje hotell. Utvinning av bauxitt er ein annan viktig industri. Ein driv også jordbruk her med dyrking av allehande, annatto, banan, ingefær, kokos, kaffi og sukker.[2] St Ann Parish er også kjend som hagefylket på Jamaica.[a]
Den høgaste toppen i fylket på 762 moh. ligg i Dry Harbour-fjella. Kalksteinlandskapet er prega av ei rekkje holer og slukhol.[3]
Kjende folk frå Saint Ann
endre- Marcus Garvey (1887–1940), aktivist og nasjonalhelt
- Bob Marley (1945–1981), reggaemusikar
- Burning Spear (f. 1945), reggaemusikar
- Busy Signal (f. 1979), reggaemusikar
Merknadar
endre- ↑ Garden Parish
Kjelder
endre- ↑ 1,0 1,1 1,2 1,3 1,4 1,5 1,6 https://statinja.gov.jm/Demo_SocialStats/PopulationStats.aspx.
- ↑ «POLITICAL GEOGRAPHY». discoverjamaica.com. The Gleaner Online. Henta 5. april 2018.
- ↑ «Saint Ann». Jamaica Library Services. Arkivert frå originalen 4. desember 2008. Henta 9. april 2009.
