Turid Thomassen
norsk politikar
Turid Thomassen (fødd 19. april 1965) er ein norsk politikar frå Stathelle i Bamble kommune som var leiar i Raudt frå 2010 til 2012. Ho tok over vervet som leiar etter Torstein Dahle. Før ho vart partileiar, var ho ein markant lokalpolitikar i Lillehammer, der ho har vore kommunestyrerepresentant sidan 1999. Ho har òg sete i landsstyret i Raudt og RV i mange år. Fram til ho vart leiar i Raudt, jobba ho som konsulent på Høgskolen i Lillehammer. Ho er gift med SV-politikaren Aksel Hagen, som sit på fylkestinget i Oppland.
| Turid Thomassen | |
 | |
| Fødd | 19. april 1965 (57 år) Porsgrunn |
|---|---|
| Statsborgar av | Noreg |
| Parti | Raudt |
| Yrke | politikar, fagforeiningsleiar |
| Institusjonar | Høgskolen i Lillehammer |
| Ektefelle | Aksel Hagen |
| Verv | Leiar i Raudt 2010–2012 |
| Føregangar | Torstein Dahle |
| Etterfylgjar | Bjørnar Moxnes |
Thomassen er oppteken av fagleg-politisk arbeid, og har vore tillitsvald i Norsk Tenestemannslag. Elles er ho særleg engasjert seg i internasjonalt arbeid, mellom anna for Palestina.[1]
KjelderEndra
- Artikkel Arkivert 2010-06-20 ved Wayback Machine. i Lillehammer Byavis