Ubangi Stomp
«Ubangi Stomp» er ein USA-amerikansk rockabillysong. Han vart skriven av Charles Underwood og først spelt inn av Warren Smith i 1956. Versjonen hans gjekk ikkje inn på salslistene, men vart ein rockabillystandard som sidan vart spelt inn av mange andre artistar.
«Ubangi Stomp» er ein beinfram, kjapp rock and roll-song utan ein særleg djup tekst («Ubangi stomp ubangi style / When the beat just drives a cool cat wild») fortalt i førsteperson om ein sjømann som dreg til Afrika og oppdagar den lokale musikken og dansen.
The Ubangi Stomp Festival er ein årleg internasjonal festival med amerikansk roots- og rockabillymusikk[1] som har fått namn etter denne songen.
Saksofonisten Earl Bostic gav ut ein instrumental kalla «Ubangi Stomp» i 1954, men utanom tittelen har denne ikkje noko å gjere med Underwood sin song.[2]
Kjende innspelingar
endre- Warren Smith (singel) (1956, Sun #250)
- Jerry Lee Lewis på albumet Jerry Lee Lewis (1958, Sun)
- The Trashmen (singel) (1965, Argo #5516)
- Alice Cooper, på albumet Lace and Whiskey (1977, Warner Bros.)
- John Prine, på albumet Pink Cadillac (1979, Asylum)
- The Cichlids på albumet Be True To Your School (1980, TK)
- The Stray Cats, på albumet Stray Cats (1981, Arista)
- Gary Young (singel) (1981)
- The Honeymoon Killers, på albumet The Honeymoon Killers from Mars (1984, Fur)
- The Busters (singel) (1996)
- Danny Gatton and Robert Gordon, på albumet The Humbler (live frå 1981, utgjeve i 1996)
- Eddie Hinton, på albumet Hard Luck Guy (1999, Capricorn)
Foghat spelte inn ein versjon under innspelinga til det første albumet sitt, Foghat, men denne kom ikkje med på albumet.[3] Han vart gjeven ut i 1992 på samlealbumet Best of Foghat Volume 2 og The Definitive Rock Collection i 2006.[4]
Kjelder
endre- Denne artikkelen bygger på «Ubangi Stomp» frå Wikipedia på engelsk, den 27. juli 2017.
- Wikipedia på engelsk oppgav desse kjeldene:
- ↑ «Ubangi Stomp». American Roots Promotion. Henta 27. juli 2017.
- ↑ Tosches, Nick (1996). Country: The Twisted Roots of Rock 'n' Roll. Da Capo Press. s. 8. ISBN 978-0306807138.
- ↑ «History». Foghat.com. Arkivert frå originalen 9. mai 2015. Henta January 9, 2017.
- ↑ «Foghat – Ubangi Stump». Allmusic. Henta January 9, 2017.