Utsira fyrstasjon

Utsira fyrstasjon er eit fyr som ligg på Utsira i Rogaland

Utsira fyrstasjon

Fylke	Rogaland
Kommune	Utsira
Funksjon	Kystfyr
Oppretta	1844
Koordinatar	59°18.4115′N 4°52.2737′E
Fyrtårn
Høgd	13,3
Form	Malmlykt på steinmur
Fyrlys
Lyskarakter	3 glimt kvart 60. sekund
Lyshøgd	78,2 moh.
Lysvidde	10,6 nm
Status
Eigar	Staten ved Kystverket
Automatisert	2004
Avfolka	2004
Vernestatus	Freda etter lov om kulturminne
Utsira fyrstasjon 59.3°N 4.86667°E / 59.3; 4.86667

Plasseringa til Utsira fyrstasjon

Fyrstasjonen vart bygd 1843-1844 som eit tvillingfyr med to tårn med ein avstand på om lag 200 meter. Dette er det einaste tvillingfyret der begge tårna vart bygd innanfor same fyrområde. Tårna vart bygd i gråstein og innvendig fort med teglstein. Høgda på tårna vart avpassa slik at lyshøgda vart den same for begge to. Det eine fyret vart nedlagd i 1890 og står i dag utan lyktehus.

Det andre fyret er i dag det høgastliggande fyret i landet med ei lyshøgd på 78,2 meter over havet og sjølve tårnet er 13,3 meter høgt. I 1890 vart det sett inn eit fransk 1. ordens lynblinkapparat som framleis er i bruk.

Under andre verdskrigen vart dei opphavlege bygningane rundt fyret bombardert av engelske fly, så bygningan rundt fyret i dag er derfor bygd etter krigen. Fyret ligg i samanheng med resten av busetnaden på Utsira og det omliggande kulturlandskapet.

Fyret vart avfolka hausten 2004. Samstundes vart fyret plukka ut til eit EU-prosjekt kalla Pharos der målet var å skape interesse og forståing for gamle europeiske steinfyr som kulturminne, teknisk vedlikehald og rehabilitering, ny bruk og offentlege tilgjenge. I tillegg til Noreg var Hellas, Kypros, England og Italia med i prosjektet med kvart sitt fyr.

Utsira kommune oppretta då som mål at verksemda på Utsira fyrstasjon skal framstå som den viktigaste turistattraksjonen på Utsira.

Klima

Meteorologisk Institutt har ein vêrstasjonen på Utsira fyr som vore i drift 1860 og har synopnummer 01403. Stasjonen ligg 55 meter over havet.

	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Temperatur (°C)	2,3	1,7	2,7	4,6	8,3	11,4	13,0	13,6	11,7	9,3	5,9	3,9	7,4
Nedbør (mm)	104	72	82	61	63	69	72	108	138	138	142	116	1165

Galleri

• 
• 
• 

Sjå òg

• Fyr i Noreg
• Fyrstasjonar i drift i Noreg

Kjelder

• «Norsk fyrliste 2008 - side 149» (PDF - 15 mb). Kystverket. 
• «Utsira fyrstasjon». Norsk Fyrhistorisk Forening. 

Bakgrunnsstoff

• Utsira fyrstasjon i kulturminnesok.no, nettstaden til Riksantikvaren