Vilde Bjerke

norsk skodespelar og forfattar

Vilde Bjerke (fødd 26. juni 1960) er ein norsk artist, skodespelar og forfattar.

Vilde Bjerke
Fødd26. juni 1960 (63 år)
Verka somskodespelar, skribent, musikar, songar
MorHenny Moan
FarAndré Bjerke

Bakgrunn endre

Bjerke er dotter av diktaren André Bjerke og skodespelaren Henny Moan, og stedptter av Ole Paus, som vart sambuaren til mora i 1973. Foreldra hennar introduserte namnet Vilde i Noreg med henne.[1] På farssida er Vilde Bjerke syster av Tone Bjerke og tidlegare svigerinne til Olav Bjørshol – far til Ari Behn – og på morssida er ho syster av Ole Paus sin son Sole.[2][3]

Bjerke har gått på Toneheim folkehøgskole og Østlandets Musikkonservatorium, der ho utdanna seg til bratsjist. I tillegg har ho teke mellomfag i fransk, teatervitskap og litteraturvitskap ved Universitetet i Oslo. Ho er busett på Lillehammer.

Arbeid endre

Bjerke debuterte som tekstforfattar som 13-åring i 1973 med songen «Blomsten» på Ole Paus si plate Blues for Pyttsan Jespersens pårørende.[4] Han skreiv òg songen «Og en for Vilde» til henne, utgjeven på plata Ole Bull Show, òg frå 1973. Om stefaren uttalte ho seinare: «Han var som en far i fem år. Han spilte nyskrevne tekster for meg og inspirerte meg til å spille gitar og skrive. Han var viktig for hele utviklingen min».[5]

Ho har hatt fleire mindre skodespelarroller, blant anna i Bentein Baardson si oppsetjing av Peer GyntNRK, og dessutan i Magnus Nilssons Solmomentet på svenske SVT i 1989. Som artist er Bjerke mest kjend for albumet Alene (2004). Vilde Bjerke har sidan 1978 jobba aktivt for å formidla forfattarskapen til faren.[6] Ho held førestillingar, har gjeve ut CD-er med barneversa til André Bjerke, og dessutan skrive boka Du visste om et land – Om min far André Bjerke (2002).

Kjelder endre

  1. Varden 2. juni 2015, s. 41
  2. «Ari forsonet med far». VG. 
  3. Teaterdronningen
  4. Fyrverkeriet Vilde (PDF), arkivert frå originalen (PDF) 28. november 2018, henta 20. november 2021 
  5. På Vildes veier, Utdanning 9. mai 2014, s. 28–31
  6. Vilde Bjerke i pappa fotspor