Voss stasjon
Voss stasjon er den viktigaste jarnbanestasjonen i Voss herad i Vestland. Den ligg på Bergensbanen og var endestasjon då Vossebanen vart opna i 1883. Då Bergensbanen til Oslo vart opna av Kong Haakon VII i 1909 fann den offisielle markeringa stad ved denne stasjonen. Stasjonen ligg på Vossavangen, på nordaustre kant av Vangsvatnet, 56,5 meter over havet.
| Voss stasjon | |
 Voss stasjon Foto: Alasdair McLellan, 2007
| |
| Stasjonsområde | |
|---|---|
| Stad | Vossavangen, Voss (Vestland) |
| Koordinatar | 60°37′44″N 6°24′36″E / 60.62889°N 6.41000°E |
| Distanse | 385,32 km frå Oslo |
| Høgd | 56,5 moh. |
| Opna | 1883 |
| Arkitekt | Paul Armin Due |
| Linjer og rutedrift | |
| Linje(r) | Vossebanen (1883-1904) Bergensbanen (1909-i dag) Hardangerbana (1935-1985/89) |
| Eigar(ar) | Bane NOR |
| Operatør(ar) | Vy Tog |
| Overgang | |
 Voss stasjon | |
Stasjonen var tidlegare utgangspunktet for sidelinja Hardangerbana som gjekk til Granvin men dette sporet var lagt ned for passasjertrafikk i 1985 (og heilt nedlagt i 1989). Dei fleste lokaltoga vest på Bergensbanen som går lengre enn Bergen-Arna har sin endestopp ved Voss, sjølv om nokre lokaltog går vidare til Myrdal.
Stasjonsbygningen som vart bygd til opninga av Vossebanen i 1883 var ein trebygning teikna av Baltazar Lange. Denne vart for liten og vart riven og flytt til Dale stasjon. I staden vart det bygd ein større mura stasjonsbygning til opninga av Bergensbanen. Denne var teikna av Paul Armin Due.[1]
Bakgrunnsstoff
endre- Jernbaneverkets side om Voss stasjon Arkivert 2011-08-15 ved Wayback Machine.
- Reisegg, Øyvind (2004). «Paul og Paul Armin Due. To arkitekter, ikke én». Kunst og kultur (4): 224-237.
Fotnotar
endre- ↑ Reisegg (2004), s. 234.