Waikaremoanasjøen
Waikaremoanasjøen er ein innsjø i nasjonalparken Te Urewera National Park på Nordøya på New Zealand, 60 km nordvest for Wairoa og 80 km sørvest for Gisborne. Han har eit overflatemål på 54 km². Omsett frå maori tyder Waikaremoana «Sjøen med krusingar i vatnet».
| Waikaremoana | |||
| innsjø | |||
 Solnedgang over Lake Waikaremoana.
| |||
| Land |  New Zealand
| ||
|---|---|---|---|
| Innsjøtype | Oppdemd sjø | ||
| Høgd over havet | 600 moh. | ||
| Areal | 54 km² | ||
| Største djupn | 256 m | ||
| Koordinatar | 38°46′S 177°05′E / 38.767°S 177.083°E | ||
| Byar | Āniwaniwa | ||
 Waikaremoanasjøen 38°46′00″S 177°05′00″E / 38.766666666667°S 177.08333333333°E | |||
| Wikimedia Commons: Lake Waikaremoana | |||
Innsjøen ligg i hjarta av området til iwien Ngāi Tūhoe. Den vesle busetnaden Āniwaniwa og Waikaremoana Motor Camp ligg ved breiddene til sjøen, ved riksvegen New Zealand State Highway 38 (som går frå Wai-O-Tapu via Murupara til Wairoa), og bind innsjøen til vegsambanda sentralt på Nordøya, mellom anna til Rotorua og Gisborne. Det newzealandske Miljøverndepartementet (Department of Conservation) har eit kontor i Aniwaniwa. Fleire fottur-ruter startar her, mellom anna ein kort spasertur til Aniwaniwa Falls.
Waikaremoanasjøen er ein fritidsstad for folk som fiskar i sjøen, går turar og og er med på andre fritidsaktivitetar. Lake Waikaremoana Track, ein av dei kjende fotturane «Great Walks» på New Zealand, er ein tre til fire dagars tur som går om lag halvveges kring innsjøen. Ein kan gå turen individuelt, eller i ei gruppe med leiar. Der ligg hytter på rad langs ruta, her må ein tinga plass på førehand. Camping er tillate innanfor 500 meters fråstand frå stien.
Talet på dei som vitjar området vert halde noko nede på grunn av grusvegen som må brukast for å nå fram. Den vesle Waikareitisjøen ligg fire km mot nordaust.
Geografi og naturhistorie
endreWaikaremoana er den djupaste innsjøen på Nordøya, 256 m djup, og overflata ligg 600 moh. Han vart danna for om lag 2 200 år sidan då ei stor mengd sandstein rasa ned frå Ngamoko Range og blokkerte elva som til då hadde runne ned gjennom dalen.[1] Andre geografiske kjennemerke er Panekiri Bluff og Puketukutukuhalvøya, der det er oppretta eit senter for å ta vare på kiwifuglar. Sjøen, som ligg omkransa av fjell som er kledde med naturleg skog som aldri har vore hoggen, vert sett på som den mest tiltrekkjande innsjøen på Nordøya. Mange innfødde fugleartar som er sjeldne i andre delar av Nordøya, kan ein treffa på i dette området. Eit program for å halda nede bestanden av revekusu (possum, Trichosurus vulpecula) vert halde i gang i området for å verna om skogen. Der er talrike planteartar i underskogen til skogsområda i nedslagsfelta, til dømes Crown Fern (Blechnum discolor)[2] I alle fall sidan tidleg på 1900-talet har blautdyr på botnen av sjøen vore granska av Colenso og andre.[3]
Sjå òg
endrePanorama
endre
Kjelder
endre- ↑ L. Harper, T. Mudd, P. Whitfield, D. Hall (2006). The Rough Guide to New Zealand (5 utg.). New York - London - Delhi: Roughguides. s. 472. ISBN 1-84353-679-X.
- ↑ C. Michael Hogan. 2009
- ↑ Royal Society of New Zealand. 1905
- Denne artikkelen bygger på «Lake Waikaremoana» frå Wikipedia på engelsk, den 25. august 2009.
- C. Michael Hogan. 2009. Crown Fern: Blechnum discolor, Globaltwitcher.com, ed. N. Stromberg
- New Zealand Department of conservation. 2009. Te Urewera National Park
- Royal Society of New Zealand. 1905. Transactions of the Royal Society of New Zealand, v. 1-76; v. 77, pts. 1-5; v. 78-88