Wasting Love

Wasting Love av Iron Maiden frå albumet Fear of the Dark
B-side	«Tailgunner (Live)» «Holy Smoke (Live)» «The Assassin (Live)»
Utgjeve	1. september 1992
Innspelt	1992
Sjanger	Heavy metal
Lengd	5:51
Selskap	EMI
Låtskrivar(ar)	Bruce Dickinson Janick Gers
Iron Maiden-kronologi
«From Here to Eternity» (1992)	Wasting Love	«Fear of the Dark (live)» (1993)

«Wasting Love» er ein song av det engelske heavy metal-bandet Iron Maiden. Det er den tredje singelen deira frå albumet Fear of the Dark frå 1992.

Oversyn

Songen vart skriven av songaren Bruce Dickinson og gitaristen Janick Gers. Teksten omhandlar einsemd som oppstår i samanheng med sex når det ikkje er kjærleik i biletet.

Singelen vart offisielt berre gjeven ut i Nederland, men det finst forskjellige promo-CD-singlar med berre eitt spor, ein for amerikansk radio og ein for Spania, som òg fekk den einaste vinylversjonen av singelen.

Singelomslaget er den tredje Iron Maiden-singelen utan maskoten til bandet, Eddie, på omslaget. Omslaget nytta eit bilete frå musikkvideoen, og syner ein mann som tatoverer kvinnenamn over heile kroppen sin. Videoen vart regissert av Samuel Bayer.

Gitarsoloen i «Wasting Love» vert spelt av Janick Gers.

B-sider

B-sida inneheld tre konsertopptak frå Wembley Arena i London under «No Prayer On The Road»-turneen etter No Prayer for the Dying i 1990. Desse konsertopptaka av «Tailgunner», «Holy Smoke» og «The Assassin» finst òg på den srs sjeldne australske digi-pack-versjonen på CD av albumet Fear of the Dark som kom ut for å marknadsføre den australske delen av turneen i 1992.

Innhald

CD Maxi-singel

1. «Wasting Love» (Bruce Dickinson, Janick Gers) – 5:51
2. «Tailgunner» (live - Wembley Arena, London 17. desember 1990) (Bruce Dickinson, Steve Harris) – 4:04
3. «Holy Smoke» (live - Wembley Arena, London 17. desember 1990) (Dickinson, Harris) – 3:34
4. «The Assassin» (live - Wembley Arena, London 17. desember 1990) (Harris) – 4:25

Medverkande

• Bruce Dickinson – vokal
• Dave Murray – rytmegitar
• Janick Gers – sologitar
• Steve Harris – bassgitar
• Nicko McBrain – trommer

Kjelder

• Denne artikkelen bygger på «Wasting Love» frå Wikipedia på engelsk, den 1. september 2016.
  • Wikipedia på engelsk oppgav desse kjeldene:
• Marco Gamba; Nicola Visintini (2001). Iron Maiden Companion. Moving Media & Arts. ISBN 3-931624-87-0. 
• Covered by 80 Rock Tribute Group - Son of Jorel's Tribute to 80s Rock (2003)

Bakgrunnsstoff

• Heile songteksten på MetroLyrics