When the Music's Over
| When the Music's Over Song av The Doors frå albumet Strange Days | ||
| Utgjeve | 7. oktober 1967 | |
| Innspelt | Mai og august 1967 | |
| Sjanger | Psykedelisk rock, progressiv rock, acidrock, bluesrock, kunstrock, hardrock | |
| Lengd | 10:58 | |
| Selskap | Elektra | |
| Komponist | Jim Morrison | |
| Tekstforfattar | Jim Morrison | |
| Låtskrivar(ar) | Jim Morrison Ray Manzarek Robbie Krieger John Densmore | |
|---|---|---|
| Produsent | Paul A. Rothchild | |
«When the Music's Over» er ein song av det amerikanske rockebandet The Doors frå albumet Strange Days frå 1967. Songen er nesten elleve minuttar lang og den tredje lengste songen deira. Ein over 16 minuttar lang versjon finst på konsertalbumet Absolutely Live frå 1970.
Då bandet opphavleg skulle spele inn songen, møtte ikkje Jim Morrison opp på innspelinga, så bandet spelte han inn med Ray Manzarek på vokal. Morrison møtte opp dagen etter og måtte synge vokalen inn på nytt.
Songen startar med eit jazz-aktig riff med Ray Manzarek på orgel og John Densmore på trommer. Heilt i starten av songen kan ein høyre Jim Morrison sei «Yeah, come on». Orgelmelodien i starten er nesten heilt identiske musikken som vert nytta i songen «Soul Kitchen» frå det førre albumet. Bandet kjem inn på første verset, som dei repterer, før Morrison så syng refrenget. Ein gitarsolo av Robby Krieger følgjer. Igjen dukkar ein annan song frå det første albumet opp då Morrison syng «Turn out the lights», som òg vert sungen i «End of the Night». Volumet på songen minkar så gradvis og er den roelgaste delen av songen, som varer kring fire minuttar med synginga til Morrison, ein roleg bass frå Manzarek, ein mjuk gitar av Krieger og trommer av Densmore. Songen er nesten heilt stille då den kjende tekstlinja «We want the world and we want it now!» vert ropt ut av alle medlemmane. Ein trommevirvel kjem så før songen skiftar gir og Morrison skrik ut resten av teksten.
Andre versjonar
endre- Det serbiske rockebandet Električni Orgazam spelte inn songen i 1983 for Les Chanosones Populaires.
- Sublime nytta orgelintroen i songen «Cisco Kid» på albumet Robbin' the Hood
- Melissa Auf der Maur spelte songen på turneen hennar i 2010.
Kjelder
endre- Denne artikkelen bygger på «When the Music's Over» frå Wikipedia på engelsk, den 17. mars 2011.