Wii Play
Wii Play er eit samværspel for Wii, utvikla og produsert av Nintendo. Det vart gjeve ut på same tid som då Wii-konsollen vart lansert i Japan, Australia og Europa. I Nord-Amerika vart spelet lansert i februar året etter. Spelet blir rekna som ein del av Wii-serien, og til kvart eksemplar av spelet følgjer det med ein Wii-fjernkontroll. Den 31. mars 2009 hadde Wii Play selt 22,98 millionar eksemplar globalt.[1]
| Wii Play | |||
 | |||
| Utviklar(ar) | Nintendo EAD | ||
|---|---|---|---|
| Utgjevar(ar) | Nintendo | ||
| Produsent(ar) | Katsuya Eguchi | ||
| Design(ar) | Katsuya Eguchi (produsent) Shinobu Tanaka, Ryo Nagamatsu (komponistar) | ||
| Komponist(ar) | Ryō Nagamatsu | ||
| Serie | Wii-serien | ||
| Plattform(er) | Wii | ||
| Utgjeving | JP: 2. desember 2006 AUS: 7. desember 2006 EU: 8. desember 2006 NA: 12. februar 2007 | ||
| Sjanger | Samværspel | ||
| Spelemodus | Einspelar, fleirspelar | ||
| Aldersgrense | PEGI: 3+ CERO: A ESRB: E OFLC: G | ||
| Medium | 1 Optisk Wii-plate | ||
| Stødde einingar | Wii-fjernkontroll, nunchuk | ||
| Nettstad | https://www.nintendo.com/sites/software_wiiplay.jsp | ||
| Del av serien Wii, Wii Play⠀ | |||
| ←Wii Sports⠀ · Wii Fit, Wii Play: Motion→ | |||
Oppsett
endreWii Play er ei samling av ni ymse spel, utforma for å demonstrere mange av funksjonane Wii-fjernkontrollen tilbyr. Alle dei ni spela kan bli spelte av opp til to spelarar. Det er berre eit spel tilgjegeleg for ein å spele når ein spelar Wii Play for første gong, men ein kan låse opp nye spel ved å prøve dei spela som alt er tilgjengelege. Spelet er bygd opp slik at spela gradvis blir meir utfordrande, i hovudsak ved at nye funksjonar hjå Wii-fjernkontrollen etter kvart blir introduserte og brukte i spela.
Det held med ein Wii-fjernkontroll for at ein skal kunne manøvrere alle dei ni spela i Wii Play, men ein kan nytte nunchuken i spelet «Tanks!» om ein vil det. Spelarane lagar eigne profilar ved å knyte Mii-figurar til spelet, og kan såleis tevle seg i mellom om rekordar i dei ni spela. Spelet lagrar dei fem beste personlege resultata i alle spela, og om ein spelar greier å få ein ny pers sender spelet ei melding om dette til Wii-menyen. Wii Play lønnar ein med medaljar om rekordane i spela er gode nok, og avhengig av bragda kan ein vinne medaljar i bronsje, sølv, gull eller platina i alle dei ni spela.
Kjelder
endre- ↑ «Financial Results Briefing for Fiscal Year Ended March 2009» (PDF). Henta 4. september 2009.
Bakgrunnsstoff
endre- Wii Play Arkivert 2009-12-08 ved Wayback Machine. på Nintendo.no