Yndesdalsvatnet
Yndesdalsvatnet (også skrive Ynnesdalsvatnet) er ein innsjø i Gulen kommune i Vestland. Vatnet er om lag 5 km langt og mellom 0,3 og 0,7 km breitt. Det ligg 104 meter over havet, og det har eit areal på 1,96 km²[1]. Største djup er 116 meter [2].
| Yndesdalsvatnet | |||
| innsjø | |||
| Land |  Noreg
| ||
|---|---|---|---|
| Fylke | Vestland | ||
| Kommune | Gulen | ||
| Tilsig | Øyrelva, Furdalselva | ||
| Utløp | Frøysetelva | ||
| Nedslagsfelt | 39,84 km² | ||
| Høgd over havet | 104 moh. | ||
| Lengd | 5 km | ||
| Breidd | 0,3–0,7 km | ||
| Areal | 1,96 km² | ||
| Største djupn | 116 m | ||
| Koordinatar | 60°56′07″N 05°21′50″E / 60.93528°N 5.36389°E | ||
 Yndesdalsvatnet 60°55′41″N 5°20′47″E / 60.92802°N 5.34636°E | |||
Vatnet har namn etter bygda Yndesdal, som ligg ved austenden av vatnet. Ved Yndesdalen ligg òg munningen av Øyrelva, som er den største elva som renn inn i Yndesdalsvatnet. Den nest største er Furdalselva, som munnar ut i vatnet frå nord. Vatnet har utløp mot vest gjennom den korte elva Straumen til det mykje mindre Vetlevatnet, som ligg på same høgde som Yndesdalsvatnet. Frå Vetlevatnet renn Frøysetelva (Yndesdalsvassdraget) vidare, og den munnar etterkvart ut i Austevågen ved Frøyset.
Yndesdalsvatnet vart, saman med resten av vassdraget, verna mot kraftutbygging i samband med Verneplan III for vassdrag. Yndesdalsvatnet er utsett for sur nedbør. Det har vore fullkalka kvar haust sidan 1991, men innsjøen og av vassdraget nedom blir gradvis forsura att i løpet av den påfølgjande vinteren og våren.[3]
Fv2 går langs heile nordsida av vatnet.
Kjelder endre
- ↑ NVE Atlas Arkivert 2011-03-06 ved Wayback Machine., Norges vassdrags- og energidirektorat
- ↑ Dybdekart over Yndesdalsvatnet (PDF), arkivert frå originalen (PDF) 15. juli 2011, henta 3. november 2010
- ↑ Miljøstatus i Hordaland: Yndesdalsvassdraget[daud lenkje], Fylkesmannen i Hordaland