Älvdalens kommun

kommune i Dalarna len i Sverige
(Omdirigert frå Älvdalen kommun)

Älvdalens kommun er ein kommune i Dalarnas län i Sverige. Kommunen grensar til to andre kommunar i Dalarnas län. Desse er Mora kommun i sør og aust og Malung-Sälens kommun i sørvest og vest. I tillegg grensar han til Härjedalens kommun i Jämtlands län i nord og kommunane Trysil og Engerdal i Noreg i vest. Administrasjonssenteret i kommunen er Älvdalen, som ligg 35 km nordvest for Mora.

Älvdalens kommun
kommune
Kommunevåpen
Land  Sverige
Len Dalarnas län
Landskap Dalarna
Del av Dalarna, Q61607732, Q61606759
Centralort Älvdalen
Areal 7 189,45 km²
 - land 6 917,28 km²
 - vatn 272,17 km²
Folketal 7 362
Folketettleik 1 / km²
Kart
Älvdalens kommun
61°14′00″N 14°02′00″E / 61.233333333333°N 14.033333333333°E / 61.233333333333; 14.033333333333
Wikimedia Commons: Älvdalen Municipality
Nettstad: www.alvdalen.se

Det er mange fjell over 1000 moh. nord i kommunen, og det høgaste, Storvätteshågna i Långfjället er på 1204 moh. Österdalälven renn gjennom kommunen frå nordvest til søraust. Landskapet i Älvdalens kommun har eit stort innslag av myrmark. Næringslivet er dominert av jord- og skogbruk, samt turisme, mellom anna til vintersportsstadene Idre og Grövelsjön.

Administrativ historikk endre

Den fyrste riksomfattande kommuneinndelingsreforma i 1952 påverka ikkje området. Ved den andre, i 1971, vart Älvdalen slått saman med Särna og Idre til ein ny kommune med namnet Älvdalens kommun.

Kommunevåpenet endre

Blasonering: På sølvbakgrunn, eit raudt fjell med tre avrunda toppar med ein armbrøst på, og øvst ei blå bølgje med ein ljå på.[1]

Våpenet vart fastsett for «gamle» Älvdalens kommun i 1946. Også Särna og Idre hadde våpen ved samanslåinga i 1971, og det gjekk heilt til 1991 før det noverande våpenet til Älvdalen vart registrert i Patent- och registreringsverket.

Tettstader endre

Det er åtte tettstader i Älvdalens kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr. Tettstad Folketal
1. Älvdalen 1 812
2. Idre 769
3. Särna 768
4. Rot 684
5. Västermyckeläng 303
6. Evertsberg 285
7. Åsen 262
8. Brunnsberg 220

Kjelder endre

Fotnotar endre

  1. «I fält av silver ett rött treberg, belagt med ett armborst, och däröver en av en vågskura bildad blå ginstam, belagd med en lie av silver.».