Åge Aleksandersen
Åge Aleksandersen (fødd 21. mars 1949 i Namsos) er ein norsk rockeartist (songar, gitarist, låtskrivar og musikkprodusent). Han byrja karrieren sin som ein sentral artist i Prudence frå 1968 til 1975, der han var ein av opphavsmennene til den såkalla trrønderrocken gjennom at han song på dialekten sin. Seinare har Åge Aleksandersen vorte svært kjend som soloartist med støttebandet Sambandet, som han starta i 1976.
| Åge Aleksandersen | |||
.jpg) Åge Aleksandersen i 2016 Foto: Tore Sætre | |||
| Fødd | 21. mars 1949 | ||
|---|---|---|---|
| Fødestad | Namsos | ||
| Opphav | Noreg | ||
| Aktiv | 1965– | ||
| Sjanger | Rock | ||
| Instrument | Vokal og gitar | ||
| Plateselskap | Norwave | ||
| Verka som | Songar, gitarist, låtskrivar og musikkprodusent | ||
| Prisar | Spellemannprisen i rock, Juryens hederspris i Spellemannprisen, LOs hederspris, Sør-Trøndelag fylkes kulturpris, Nord-Trøndelag fylkes kulturpris, Trondheim kommunes kulturpris, Bjellesauprisen, Norsk Artistforbunds Ærespris, Tekstforfatterfondets ærespris, Spellemannprisen for årets artist, Juryens hederspris i Spellemannprisen, Erik Byes Minnepris, ridder av 1. klasse av St. Olavs Orden, Rockheim Hall of Fame, Solprisen | ||
I 1980 deltok Åge Aleksandersen i norsk Melodi Grand Prix, der han kom på andreplass med songen «Bjørnen sover», som var ein kritikk av at Sovjetunionen invaderte Afghanistan. Det var med albuma Ramp (1980) og Dains med mæ (1982) at han fekk gjennombrotet sitt, og den mestseljande plata hans er Levva livet frå 1984. Totalt har han selt nesten 1,5 millionar plater, og omtrent alle albuma hans sidan 1980 har selt til gull.
Åge Aleksandersen er i dag ein av dei mest populære rockemusikarane i Noreg, og han har hatt eit breiare publikum og ein lengre karriere enn dei fleste andre i norsk rock.[1] Han har fått fleire spellemannsprisar, mellom andre heidersprisen for 1981 og for 2006.
Han har òg arbeidd som musikkprodusent, mellom anna for DDE.
Diskografi
endre- 1975: 7800 Namsos
- 1976: Mot i brystet, mord i blikket, Bomben und Granaten
- 1977: Lirekassa
- 1979: French only
- 1980: Ramp
- 1981: Mølje og sodd
- 1982: Dains me mæ
- 1984: Levva livet
- 1984: Lys og varme (samleplate)
- 1985: Ljus och värme (svensk versjon)
- 1986: Eldorado
- 1989: Solregn
- 1990: Sanger
- 1991: Laika
- 1993: Din dag
- 1995: Med hud og hår
- 1997: Fredløs – Dylan på norsk
- 1999: Flyg avsted
- 2000: Gamle ørn
- 2000: Mit danske eventyr
- 2001: Åge Original (dobbel samleplate)
- 2002: Linedans
- 2005: To skritt fram
- 2005: 4 skritt tilbake (liveplate frå 2004-turneen)
- 2005: Gull
- 2006: Snöharpan (med tekstar av den svenske lyrikaren Dan Andersson)
- 2008: Katalysator
Utmerkingar
endre- Spellemannprisen 1980 i klassen rock for Ramp.
- Heidersprisen under Spellemannprisen 1981.
- Gammleng-prisen 1983 i klassen pop.
- Årets spellemann under Spellemannprisen 1984.
- Utnemnd til ridder av 1. klasse av St. Olavs Orden i 2006.
- Heidersprisen av juryen under Spellemannprisen 2006.
- Gammleng-prisen sin veteranpris i 2008.
Kjelder
endre- Artikkelen Åge Aleksandersen på Wikipedia på bokmål og riksmål.
- Knut Olav Åmås [red.]: «Aleksandersen, Åge» i Hvem er hvem? (Aschehoug, 2008)
Fotnotar
endre- ↑ Hvem er hvem?, s. 20
