A69-vegen

A69 er ein større stamveg i Nord-England som går aust–vest over Penninane, gjennom fylka Tyne and Wear, Northumberland og Cumbria. Opphavleg byrja vegen i sentrum av Newcastle upon Tyne og seinare nær Birtley, men sidan ein bygde den vestlege omkøyringa for A1 rundt Newcastle har vegen byrja ved Denton Burn, ein forstad til Newcastle.

A69
Lengd	87 km
Strekning	West Denton til Carlisle
Land	England
A69-vegen 54.97691°N 2.32543°W / 54.97691; -2.32543

Frå A1-krysset til Carlisle sentrum er vegen 54 mile, eller 87 km, lang.

Busetnader langs vegen

• Denton Burn
• West Denton
• Throckley
• (Corbridge)
• (Hexham)
• (Haydon Bridge)
• Bardon Mill
• Melkridge
• (Haltwhistle)
• (Brampton)
• Warwick Bridge
• Warwick-on-Eden
• Botcherby
• Carlisle

Stader i parentes viser at busetnaden historisk var ved vegen, men no har omkøyringar.

Skildring

A69 nær Whittle Farm i Northumberland.

A69 i Cumbria kryssa av ein mindre gardsveg.

Vegen går vegen går vestover frå A1 ved Denton Burn i Newcastle upon Tyne gjennom forstadene Denton Burn og West Denton før eit kryss med A6085 og B6323. Han fortset vestover og passerer over det som var Hadrianmuren, som til no har vore sør for vegen, ved Milecastle 13 på muren. Frå no av er vegen alltid sør for muren. Vegen fortset oppover Tyne-dalen, køyrer rundt landsbyen Corbridge og marknadsbyen Hexham. A69 kryssar elva Tyne vest for Hexham (Constantius Bridge), kryssar ho igjen vest for landsbyen Haydon Bridge, og nok ein gang når han går rundt Haltwhistle.

Etter å ha kryssa grensa til Cumbria, går A69 forbi byen Brampton, før han kjem til eit rundkøyringskryss med A689. A69 svingar til venstre her og går gjennom landsbyen Warwick Bridge. Etter eit kort stykke med dobbel køyrebane kjem A69 til vegkryss 43 på motorvegen M6, som går langs den austlege kanten av Carlisle.

Delen av A69 som går inn til Carlisle har namnet Warwick Road, og er kjend for å vera ein av dei mest trafikkerte vegane i fylket. Ved Saint Aidan-kyrkja svingar A69 til høgre opp Victoria Place, og møter A7-vegen ved eit trafikkert trafikklyskontrollert vegkryss, der han endar.

Vegen utgjer ein del av det uskilta europavegen E18. Det blir halde ved like av RoadLink.

Historiske deler av vegen

I den austlege enden gjekk A69 historisk frå den noverande endestasjonen sin med A1 ved Denton Burn austover langs Westgate Road (no den vestlege enden av A186) i Newcastle upon Tyne, og slutta ved krysset mellom Westgate Road og Neville Street i sentrale Newcastle nær Newcastle jernbanestasjon.

Bygginga av Gateshead Western Bypass førte til at delen av A69 som gjekk frå Denton Burn inn i sentrale Newcastle blei omnummerert til A186, og A69 passerte deretter over Scotswood Bridge og følgde Gateshead Western Bypass til Birtley, der han blei del av A1(M). Den seinare bygginga av Newcastle Western Bypass fekk Gateshead Western Bypass-seksjonen omnummerert til A1 då A1 blei omdirigert vest for Newcastle upon Tyne sentrum og over den nye Blaydon Bridge, med A69 avgrensa til den noverande endestasjonen sin ved Denton Burn.

Kjelder

• Denne artikkelen bygger på «A69 road» frå Wikipedia på engelsk, den 13. juni 2022.