Abu Ghosh
Abu Ghosh (arabisk أبو غوش; hebraisk אבו גוש) er ein arabisk-israelsk by i Israel, 10 km vest for Jerusalem langs Tel Aviv-Jerusalem-vegen. Han ligg 610–720 meter over havet. I 2010 kom byen i Guinness rekordbok for største hummusrett. Abu Ghosh er kjend for det gode tilhøvet til Staten Israel og gjestfriheita mot israelske jødar.
| Abu Ghosh | |||
| אבו גוש, אַבּוּ ע'וֹשׁ, أبو غوش | |||
| lokal kommune | |||
 | |||
| Land |  Israel
| ||
|---|---|---|---|
| Distrikt | Jerusalem distrikt | ||
| Høgd | 610–720 moh. | ||
| Koordinatar | 31°48.288′N 35°6.744′E / 31.804800°N 35.112400°E | ||
| Areal | 2,5 km² | ||
| Folketal | 6 512 (2012)[1] | ||
| Folketettleik | 2 605 / km² | ||
 Abu Ghosh 31°48′17″N 35°06′45″E / 31.804722222222°N 35.1125°E | |||
| Wikimedia Commons: Abu Ghosh | |||
Historie
endreAbu Ghosh er ein av dei tidlegaste busetnadane i Israel.[2] Arkeologiske utgravingar har funne busetnader frå yngre steinalder i tre fasar, og den midtre fasen er datert til 6000-talet fvt.[3] Det gamle arabisk namnet er Qaryat al'Inab («Druelandsbyen») og Abu Ghosh er derfor indentifisert som den bibelske staden Kiryat Ye'arim.[2]
Legio X Fretensis frå den romerske armeen hadde eit stasjonshus i Abu Ghosh fram til slutten av 200-talet.[2]
Landsbyen er òg assosiert med Anathoth, fødestaden til profeten Jeremia.
Osmansk tid
endreAbu Ghosh er namnet på ein arabisk familie som slo seg ned her tidleg på 1500-talet.[2] I følgje familetradisjonen var dei av tsjerkessisk ætt, og grunnleggjaren kjempa i lag med Selim I.[4] På 1700-talet budde dei i ein landsby nær Beit Nuba, der dei styrte området kring frå.[4] I følgje tradisjonen skal folk frå Bani Amir-familien og landsbybuarane i Beit Liqya ha gjort opprør mot dei og drepe heile Abu Ghosh-klanen utanom ei kvinne og barnet hennar, som førte Abu Ghosh-namnet vidare.[4]
Familien kontrollerte pilegrimsruta frå Jaffa til Jerusalem, og tok bompengar av pilegrimane som passerte landsbyen. Kyrkjene i Jerusalem betalte òg skatt til Abu Ghosh-klanen.[2][5] På 1800-talet vart landsbyen òg kalla Kuryet el' Enab.[6]
Abu Ghosh vart angripen av ein egyptisk militærstyrke under arabaropprøret i Palestina i 1834. Han vart angripen att i 1853 under ein borgarkrig mellom føydale familiar under Ahmad Abu Ghosh som gav nevøen Mustafa ordre om å gå i kamp. Eit tredje åtak på Abu Ghosh, utført av osmanske militærstyrkar, med støtta av britiske styrkar, fann stad under eit militært oppdrag mot dei føydale familiane i 1860-åra.
Kiryat Anavim, den første kibbutz i Judeafjella, vart grunnlagd nær Abu Ghosh i 1914, på land kjøpt frå Abu Ghosh-familien.[7]
Sjå òg
endreKjelder
endre- Denne artikkelen bygger på «Abu Ghosh» frå Wikipedia på engelsk, den 7. oktober 2014.
- Wikipedia på engelsk oppgav desse kjeldene:
- ↑ «Locality File» (XLS). Israelsk statistisk sentralbyrå. 2012. Henta 7. oktober 2014.
- ↑ 2,0 2,1 2,2 2,3 2,4 Moshe Sharon (1. august 1997). Near and Midle East. BRILL. s. 3. ISBN 978-90-04-10833-2. Henta 8. oktober 2014.
- ↑ Avraham Negev, Shimon Gibson (2005) Archaeological Encyclopedia of the Holy Land. Continuum International Publishing Group, ISBN 0-8264-8571-5
- ↑ 4,0 4,1 4,2 Ruth Kark and Michal Oren-Nordheim (2001). Jerusalem and its Environs. Hebraisk universitet Magnes Press. s. 230–231. ISBN 0-8143-2909-8.
- ↑ Abu Ghosh - The Saga of an arabarar Village
- ↑ Survey of Western Palestina, 1870. Index page 3.
- ↑ Army of shadows: palestinsk collaboration with sionisme, 1917 – 1948 / Hillel Cohen[daud lenkje]
Bakgrunnsstoff
endre
Reiseguide for Abu Gosh frå Wikivoyage