Al-Dana i Syria
Al-Dana (arabisk الدانا) er ein by nord i Syria i Idlib guvernement, nord for Idlib, 38 kilometer vest for Aleppo,[2] og like aust for grensa til Tyrkia. Av stader i nærleiken finn ein Sarmada i sørvest, Tell al-Karamah i sør, Atarib i søraust, Turmanin i nordaust, Salwah i nord og Qah i nordvest. I følgje Syrisk statistisk sentralbyrå, hadde al-Dana eit folketal på 14 208 i 2004.[1] Byen er òg det administrative senteret i al-Dana nahiyah som består av tretten landsbyar med eit samla folketal på 60 058.[1] Al-Dana vart kjend for indigofargestoffindustrien som sidan har forsvunne.[3]
| al-Dana | |||
| الدانا | |||
| by | |||
| Land |  Syria
| ||
|---|---|---|---|
| Guvernement | Idlib | ||
| Distrikt | Harem | ||
| Nahiyah | Al-Dana | ||
| Høgd | 428 moh. | ||
| Koordinatar | 36°12′52″N 36°46′11″E / 36.21444°N 36.76972°E | ||
| Folketal | 14 208 (2004)[1] | ||
| Tidssone | EET (UTC+2) | ||
 Al-Dana i Syria 36°12′52″N 36°46′11″E / 36.21444444°N 36.76972222°E | |||
  Kart som viser Al-Dana i Syria.
| |||
| Wikimedia Commons: Al-Dana, Syria | |||
Historie
endreAl-Dana er identifisert som den arameiske byen «Adennu» eller «Adinnu».[2][4] Adennu var den første arameiske byen som vart erobra av assyrarane under felttoget til Shalmaneser III mot Syria i 853 fvt.[2] Byen vart erobra utan motstand.[4]
Som ein del av dei såkalla Daudebyane har al-Dana og området rundt fleire ruinar frå antikken, datert til 200- og 300-talet fvt. Ein godt bevart romersk pyramideforma grav, laga av gul stein og utførlege utskjeringar, ligg nord for sentrum av den moderne byen.[5] Ein romersk port og dørforheng til fleire andre romerske byggverk er òg bevart.[6]
Seint på 1000-talet vart al-Dana og nærliggande Sarmada plyndra av krossfararane.[7] I 1220-åra vitja den syrisk geografen Yaqut al-Hamawi al-Dana og noterte at han låg i sida av Libanonfjella nær Aleppo i al-'Awasim-området. Han skildra landsbyen som ein «særs gammal stad» i nærleiken av ein «stor plattform, vid som ein hesteløpsbane, skoren inn i åssida, firkanta og flat. I senteret låg ein kuppel med ei grav under.»[8]
Midt på 1800-talet vitja al-Dana av den engelske turisten James Silk Buckingham som skreiv at landsbyen vart bygd i åssida av ei klippe i midten av ei sletta. Dei fleste husa vart bygd frå ruinar av eldre strukturar og Buckingham meinte å kunne sjå at al-Dana tidlegare hadde vore ein viktig busetnad.[6] Kring 500 muslimar budde i landsbyen og heldt gudstenester i ein liten moské, med ein minaret og seks kuplar.[9]
Kjelder
endre- Denne artikkelen bygger på «Al-Dana, Syria» frå Wikipedia på engelsk, den 10. juni 2014.
- Wikipedia på engelsk oppgav desse kjeldene:
- Balfour-Paul, Jenny (2012). Indigo in the the Arabic World By. Routledge. ISBN 9780700703739.
- Buckingham, James Silk (1825). Travels among the Arabic tribes inhabiting the countries aust for Syria and Palestina. Printed for Longman, Hurst, Rees, Orme, Brown, and Green.
- Darke, Diana (2010). Syria, 2nd. Bradt Travel Guides. ISBN 9781841623146.
- Davis, William Stearns (2007). God Wills It! – a Tale of the First Crusade. Wildside Press LLC. ISBN 1434482480.
- Lipinsky, Edward (2000). Arameans: Their Ancient History, Culture, Religion. Peeters Publishers. ISBN 9042908599.
- le Strange, Guy (1890). Palestina Under the Moslems: A Description of Syria and the Holy Land from A.D. 650 to 1500. Committee of the Palestine Exploration Fund.
- Yamada, Shigeo (2000). The Construction of the Assyrian Empire: A Historical Study of the inskripsjons of Shalmanesar III Relating to His Campaigns in the West. BRILL. ISBN 9004117725.
- ↑ 1,0 1,1 1,2 Folketeljing 2004 Arkivert 2013-03-13 ved Wayback Machine.. Syrisk statistisk sentralbyrå (CBS). Idlib guvernement. (arabisk)
- ↑ 2,0 2,1 2,2 Lipinsky, s. 259.
- ↑ Balfour-Paul, 2012, s. 99.
- ↑ 4,0 4,1 Yamada, s. 154.
- ↑ Darke, 2010, s. 160.
- ↑ 6,0 6,1 Buckingham, s. 573.
- ↑ Davis, s. 334.
- ↑ le Strange, 1890, s. 436.
- ↑ Buckingham, s. 574.