Alessandra Mele
Alessandra Watle Mele (fødd 5. september 2002 i Savona i Italia[1][2]) er ein norsk-italiensk songar. Ho vart fyrst kjend i Noreg i 2022, då ho deltok i The Voice Noreg. Vinteren 2023 deltok ho i Melodi Grand Prix og vann med låten «Queen of Kings», og representerte difor Noreg i Eurovison Song Contest i Liverpool.[3]
| Alessandra Mele | |||
.jpg) | |||
| Fødd | 5. september 2002 (22 år) | ||
|---|---|---|---|
| Fødestad | Pietra Ligure | ||
| Fødenamn | Alessandra Watle Mele | ||
| Opphav | Italia, Noreg | ||
| Aktiv | 2022– | ||
| Sjanger | pop | ||
| Instrument | gitar | ||
| Verka som | songar, låtskrivar | ||
Bakgrunn
endreMele vaks opp i byen Cisano sul Neva i Savona i Italia.[2] Ho har italiensk far, medan mora er norsk med røter på Stathelle i Bamble.[4] Etter vidaregåande skule i 2021 flytta ho til Noreg for å vere nærare den norske familien og samstundes satse på ein musikkarriere.[5][3] Allereie som barn byrja ho å synge og danse, og ho deltok i si fyrste songtevling som seksåring.[3]
Mele har studert piano og tok songtimar hos ein songpedagog i Italia.[3] I Noreg byrja ho hausten 2022 å studere ved musikkskulen LIMPI på Lillehammer.[4] I 2022 deltok ho i The Voice Norge på TV 2 Direkte og nådde live-rundane. Året etter vart ho plukka ut som ein av deltakarane i Melodi Grand Prix 2023 med låten «Queen of Kings». Låten vart skriven på ein låtskrivarleir hausten 2022. Songen handlar om å våge å vere seg sjølv fullt ut, og er basert på erfaringar frå Mele sitt liv som bifil.[4][6]
Mele kvalifiserte seg frå den fyrste delfinalen laurdag 14. januar og vann finalen i Trondheim Spektrum laurdag 4. februar.[7] Som vinnar av Melodi Grand Prix fekk ho representere Noreg i Eurovision Song Contest i Liverpool i mai 2023.
The Voice Norge
endreAlessandra Mele deltok i The Voice Norge i 2022. Espen Lind var mentoren hennar under tiden i TV-programmet.
| Runde | Song | Originalartist | Resultat |
|---|---|---|---|
| Blind | «I Will Pray (Pregherò)» | Giorgia, Alicia Keys | Vidare |
| Utslagsrunde | «The Moon Is a Harsh Mistress» | Jimmy Webb | Vidare |
| Duell | «I Just Can’t Stop Loving You» | Michael Jackson med Siedah Garrett | Vidare |
| Direktesending 1 | «One Night Only» | Beyoncé, Sharon Leal, Anika Noni Rose | Ute[4] |
Diskografi
endreSinglar
endre| Låt | År | Album |
|---|---|---|
| «Queen of Kings» | 2023 | Ikkje frå album |
Listeplasseringar
endreOversikt over Alessandra sine singlar med plassering på den offisielle singellista i Noreg og andre listeplasseringar. Lista er oppdatert per veke 8 i 2023:[8]
| Låt |  Noreg[9] |
 Sverige[10] |
 Ungarn[11] |
 Island[12] |
 Polen[13] |
 Finland[14] | ||||||
|---|---|---|---|---|---|---|---|---|---|---|---|---|
| Høgaste plassering |
Veker | Høgaste plassering |
Veker | Høgaste plassering |
Veker | Høgaste plassering |
Veker | Høgaste plassering |
Veker | Høgaste plassering |
Veker | |
| «Queen of Kings» | 1 | 6 | 35 | 4 | 6 | 3 | 22 | 2 | 72 | 1 | 20 | 1 |
Kjelder
endre- ↑ «Alessandra Watle Mele – 1 roller i norsk næringsliv». www.proff.no. Henta 27. januar 2023.
- ↑ 2,0 2,1 «La cantante savonese Alessandra Mele a "The Voice Norvegia": "Volevo portare qui un po' di orgoglio italiano" - IVG.it». Il Vostro Giornale (på italiensk). 14. januar 2022. Henta 27. januar 2023.
- ↑ 3,0 3,1 3,2 3,3 Sand, Camilla (4. januar 2023). «Dette er årets artister i Melodi Grand Prix». NRK (på norsk bokmål). Henta 27. januar 2023.
- ↑ 4,0 4,1 4,2 4,3 Gilje, Pernille Aubert (13. januar 2023). «(+) Alessandra (20) skal synge om det pappa ikke vet foran hele Norge: – Man må tørre å være seg selv». Telemarksavisa (på norsk). Henta 27. januar 2023.
- ↑ Sanne N. Holt (7. januar 2022). «The Voice-Alessandra flyttet til Norge for musikken». TV 2. Henta 27. januar 2023.
- ↑ Elveos (KK), Beth-Kajsa (14. januar 2023). «- Jeg håper låta vil hjelpe andre til å komme ut av skapet». kk.no (på norsk). Henta 27. januar 2023.
- ↑ Kristensen, Jonathan Gaathaug Nielsen, Thale (14. januar 2023). «– Jeg er ekstremt takknemlig». dagbladet.no (på norsk). Henta 27. januar 2023.
- ↑ «Singel 2023 uke 08». topplista.no. Henta 1. mars 2023.
- ↑ «Alessandra». topplista.no. Henta 14. februar 2023.
- ↑ «swedishcharts.com - Alessandra - Queen Of Kings». swedishcharts.com. Henta 14. februar 2023.
- ↑ «Single Top 40 slágerlista - Hivatalos magyar slágerlisták». slagerlistak.hu. Henta 10. mars 2023.
- ↑ «Plötutíðindi». Plötutíðindi (på engelsk). Henta 20. mars 2023.
- ↑ «OLiS - oficjalna lista sprzedaży». www.olis.pl (på polsk). Henta 20. mars 2023.
- ↑ «Suomen Virallinen Lista». Musiikkituottajat (på finsk). Henta 20. mars 2023.
- Denne artikkelen bygger på «Alessandra Mele» frå Wikipedia på bokmål, den 2. mars 2023.