Amy Mbacké Thiam

Amy Mbacké Thiam (fødd 10. november 1976) er ein senegalesisk tidlegare friidrettsutøvar som vart verdsmeister på 400 meter i 2001 og fekk bronsen på same distansen i 2003.

Amy Mbacké Thiam
Statsborgarskap	Senegal
Fødd	10. november 1976 (47 år) Kaolack
Idrett	friidrett
Tok del i	Sommar-OL 2012, Sommar-OL 2004, Sommar-OL 2000
Utmerkingar	ridder av Løveordenen

Aktiv

Thiam forbetra den nasjonale rekorden på 400 m til 50,21 sekundar då ho vann semifinalen under verdsmeisterskapen 2001 i Edmonton. I finalen gjorde ho sitt livs løp og tok gullmedaljen med tida 49,86, to hundredels sekund framom Lorraine Fenton frå Jamaica og ni hundredelar framom meksikanske Ana Guevara. To år seinare presterte Thiam eit nytt toppløp ved VM i Paris og kneip med tida 49,95 bronsemedaljen, klart slått av verdsmeister Guevara og av sølvvinnar Fenton.

Etter 2003 var Thiam ikkje i stand til å nå finalen i dei største internasjonale meisterskapane. I 2006 vart ho afrikameister på 400 meter etter eit løp på 52,22 sekundar.

Medaljar og plasseringar i internasjonale meisterskap

• VM 1999 i Sevilla: Utslått i semifinalane (50,77 =nr 13)
• OL 2000 i Sydney: Utslått i semifinalane (51,60 =nr 12)
• VM 2001 i Edmonton: Gullmedalje på 400 m – 49,86, framom Lorraine Fenton (49,88)
• VM 2003 i Paris: Bronsemedalje på 400 m – 49,95
• OL 2004 i Aten: Utslått i forsøka (52,44 =nr 29)
• VM 2005 i Helsinki: Nr 8 – 52,22
• VM 2007 i Osaka: Utslått i forsøka (54,31 =nr 38)
• VM 2009 i Berlin: Utslått i semifinalane (51,70 =nr 14)
• OL 2012 i London: Utslått i forsøka (53,23 =nr 21)
• VM 2013 i Moskva: Utslått i semifinalane (52,37 =nr 20)

Kjelder

• Denne artikkelen bygger på «Amy Mbacké Thiam» frå Wikipedia på tysk, den 1. juni 2018.

• «Amy Mbacké Thiam» (på engelsk). Olympedia. Henta 16. mars 2023.