Sølvvengpetrell

Sølvvengpetrell (Aphrodroma brevirostris) er ein liten, skifergrå sjøfugl i stormfuglfamilien Procellariidae. Kroppslengda er 36 centimeter. Arten har vorte skildra som ein «taksonomisk kasteball», han blei lenge plassert i Pterodroma, «eigentlege» petrellar, før han blei splitta ut i 1942 og inn i si eiga slekt Lugensa, seinare Aphrodroma. Slekta vart ikkje allment akseptert før i 1985, jamvel om seinare forsking har støtta splitten. Stillinga innanfor familien er enno under debatt, då han vart delt frå Pterodroma-petrellar det vart antyda at dette kan vere medlem av gruppa havhestar, medan ein studie i 1998 plasserte arten nærare lirer og slekta Bulweria.

Sølvvengpetrell
Illustrasjon av John Gerrard Keulemans, i public domain
Utbreiing og status
Status i verda: Livskraftig Utbreiinga av Sølvvengpetrell
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Stormfuglar Procellariiformes
Familie:	Stormfuglfamilien Procellariidae
Slekt:	Aphrodroma
Art:	Sølvvengpetrell A. brevirostris
Vitskapleg namn
Aphrodroma brevirostris Lesson, 1831

Sølvvengpetrellegg

Sølvvengpetrellar hekkar i koloniar på avsidesliggande øyar, som Gough Island i Tristan da Cunha i Atlanterhavet, Marion Island, Prince Edward-øyane, Crozet-øyane og Kerguelen-øyane i Indiahavet. Arten er nattaktiv i koloniane der dei hekkar i hòler i våt jord. Vanlegvis vender inngangen bort frå den rådande vindretninga på staden. Dei legg eitt einskild egg per hekkesesong, egget er uvanleg rundt for familien. Begge foreldra tar del i ruginga i ca. 49 dagar, og etter klekking tar det nye 60 dagar til ungen er flygedyktig.

Kjelder

• Denne artikkelen byggjer på «Kerguelen Petrel» frå Wikipedia på engelsk, den 21. mai 2012
• BirdLife International (2012) Species factsheet: Lugensa brevirostris. Henta frå http://www.birdlife.org den 21. mai 2012.

Bakgrunnsstoff

• Videoar, bilete og lydopptak av sølvvengpetrellar hos Internet Bird Collection