Arild Monsen

Arild Monsen (fødd 5. april 1962) er ein tidlegare norsk langrennar, og no til dags langrennstrenar. Under Ski-VM 1985 i Seefeld vart han verdsmeister i 4x10 km stafett saman med Pål Gunnar Mikkelsplass, Tor Håkon Holte og Ove Aunli. I same meisterskapen vart han nr 7 på 15-kilometeren. Han kom aldri på sigerspallen i verdscuprenn, tre gonger enda han på fjerdeplass. Han vart noregsmeister ein gong (1987). Monsen var på det norske landslaget i perioden 1982–1990. Han er oppvaksen i Molde.

Arild Monsen
Statsborgarskap	Noreg
Fødd	5. april 1962 (62 år) Molde kommune
Idrett	langrenn
Tok del i	Ski-VM 1985

Karriere

Medaljar og besteplasseringar i internasjonale meisterskap og renn

• 1982: Nr 11 på 15 km i Le Brassus.
• 1983: Nr 4 både i Sarajevo og i Lahti, begge renna på 15 km.
• 1984: Nr 8 på 15 km i Lahti. Nr 2 på 15 km i Holmenkollen (ikkje verdscup).
• 1984/5: Nr 4 på 30 km i Davos. Nr 2 på 50 km i Holmenkollen (ikkje verdscup).
• 1986: Nr 11 på 30 km i La Bresse.
• 1987: Nr 13 på 50 km i Holmenkollen.

Medaljar og besteplasseringar i noregsmeisterskap

• Ski-NM 1982: Nr 7 på 15 km på Raufoss.
• Ski-NM 1983: Nr 6 på 15 km på Lillehammer.
• Ski-NM 1984: Nr 12 på 15 km i Hof.
• Ski-NM 1985: Nr 12 på 15 km i Tromsø.
• Ski-NM 1986: Nr 4 på 30 km i Vang.
• Ski-NM 1987: Gullmedalje på 15 km i Steinkjer.
• Ski-NM 1989: Nr 7 på 15 km på Geilo.

Idrettsarbeid

Monsen arbeidde i smørjeteamet til det norske langrennslandslaget frå 1993 til 1997. Frå 1997 til 2006 var han internasjonal teknisk delegat til verdscuprenn i langrenn. Sidan 2006 har han vore langrennstrenar, først to år for Team Trøndelag. I april 2008 vart han tilsett som trenar for Canadas langrennslandslag.

Kjelder

• Sportsboken, aktuelle årgangar

Bakgrunnsstoff

• Arild Monsen i fis-ski.com