Arne Kjell Larsen

Denne artikkelen handlar om kombinertløparen. For langrennsløparen, sjå Arne Larsen. For fotballspelaren, sjå Arne Larsen Økland.

Arne Kjell Larsen (fødd 23. desember 1937) er ein norsk tidlegare kombinertløpar frå Asker. Verdsmeister i øvinga i 1962. Han var medlem i Heggedal Idrettslag.

Arne Kjell Larsen
Statsborgarskap	Noreg
Fødd	23. desember 1937 (86 år) Asker
Idrett	kombinert, skihopping
Tok del i	Vinter-OL 1964, Vinter-OL 1960
Utmerkingar	Holmenkollmedaljen

Karriere

Larsen deltok under Vinter-OL 1960 i Squaw Valley, men tok ingen medaljar her. Under Ski-VM 1962 i Zakopane i Polen vart han verdsmeister i kombinert. Same året vann han i kombinert i Svenska skidspelen og dessutan vart han noregsmeister både i kombinert og i skihopp. Den litt uvanlege skihoppstilen til Larsen var med armane strekte framover i svevet, lik dei tyske Helmut Recknagel og Max Bolkart.

Arne Larsen er den einaste kombinertløparen som har vorte noregsmeister i spesialhopp.

Arne Kjell Larsen tok del i Vinter-OL 1964 i Innsbruck, men tok ingen medaljar heim frå dette OL-et heller. Men same året vann han i kombinert i Lahtispelen. Han vart tildelt Holmenkollmedaljen i 1965, og har i tillegg to kongepokalar.

Medaljar og besteplasseringar i noregsmeisterskap

• Ski-NM 1959: Nr 8 i kombinert på Gjøvik
• Ski-NM 1960: Sølvmedalje i kombinert i Nedre Eiker og nr 5 i hopp
• Ski-NM 1961: Sølvmedalje i kombinert og nr 4 i hopp
• Ski-NM 1962: Gullmedalje i kombinert og i skihopp i Skien
• Ski-NM 1963: Sølvmedalje i kombinert i Rælingen
• Ski-NM 1964: Bronsemedalje i kombinert på Voss
• Ski-NM 1965: Gullmedalje i kombinert
• Ski-NM 1966: Nr 6 i kombinert
• Ski-NM 1967: Nr 5 i kombinert

På sida av skikarrieren var Larsen bakar og dreiv Heggedal Bakeri.

Kjelder

• Bokmålswikipedia om Arne Larsen, henta inn 9. desember 2011.
• Larsen «Arne_Larsen» i Store norske leksikon, snl.no., skrive av Rolf Bryhn, henta inn 9. desember 2011.