Arsi Harju
Arsi Ilari Harju (fødd 18. mars 1974) er ein finsk tidlegare friidrettsutøvar frå Kurikka. Han vart olympisk meister i kulestøyt i 2000 og tok VM-bronsen i same øvinga året etter.
| Arsi Harju | |
| Statsborgarskap | Finland |
| Fødd | 18. mars 1974 (50 år) Kurikka |
| Idrett | friidrett |
| Tok del i | |
Aktiv endre
Harju tok bronsemedaljen i kulestøyt under den finske friidrettsmeisterskapen i Lapua i 1995. Året etter vart det gullmedalje i den nasjonale meisterskapen, vinnarstøyten målte akkurat like langt som bronsestøyten året før; 19,46 meter. I 1997 kompletterte han premiesamlinga med ein nasjonal sølvmedalje, slått av sin sterkaste nasjonale konkurrent, Mika Halvari.
Harju fekk si fyrste internasjonale medalje i ein seniormeisterskap under innandørs-EM 1998 i Valencia, då han tok bronse med ein støyt på 20,53 m. I den finske meisterskapen i Tammerfors i byrjinga av august 1998 imponerte han stort med 21,04 m, ny personleg rekord. Men under EM i friidrett 1998 stoppa Harju på 19,54 m og niandeplass.
I OL-sesongen 2000 viste Harju god form då han vart finsk meister for tredje gong med 20,84 m. Under OL 2000 i Sydney sette han ny personleg rekord i kvalifiseringa med 21,39 m, hans lengste støyt nokon gong. I finalen nådde han 21,29 m i sitt andre forsøk, og vann framom Adam Nelson (21,21 m) og John Godina (21,20 m), begge frå USA. Det var andre gongen Finland vann OL-gull i kulestøyt, 80 år etter at Ville Pörhölä sigra i OL i Antwerpen i 1920.
I 2001 tok Harju bronse i VM. Deretter vart det fjerdeplass under EM 2002. Med 20,21 m vart han nummer to i den finske meisterskapen i 2005, slått av Ville Tiisanoja med 21 cm.
Medaljar og plasseringar i internasjonale meisterskap endre
- VM 1995 i Göteborg: Utslått i kvalifiseringa (18,79 m -nr 17)
- OL 1996 i Atlanta: Utslått i kvalifiseringa (19,01 m -nr 18)
- VM 1997 i Aten: Utslått i kvalifiseringa (19,43 m -nr 14)
- EM 1998 i Budapest: Nr 9 – 19,54 m
- VM 1999 i Sevilla: Nr 12 (20,16 m i kvalifiseringa)
- OL 2000 i Sydney: Gullmedalje – 21,29 m, framom Adam Nelson (21,21 m)
- VM 2001 i Edmonton: Bronsemedalje – 20,93 m, framom Manuel Martinez (20,91 m)
- EM 2002 i München: Nr 4 – 20,47 m
Kjelder endre
- Denne artikkelen bygger på «Arsi Harju» frå Wikipedia på tysk, den 5. mai 2015.
- Denne artikkelen bygger på «Arsi Harju» frå Wikipedia på finsk, den 5. mai 2015.
Bakgrunnsstoff endre
- «Arsi Harju» (på engelsk). Olympedia. Henta 5. mars 2023.