Arto Tiainen
Arto Kasperi Tiainen (5. september 1930–21. september 1998) var ein finsk langrennsløpar og politikar.
| Arto Tiainen | |
 | |
| Statsborgarskap | Finland |
| Fødd | 5. september 1930 Nyslott |
| Død | |
| Yrke | politikar, langrennsløpar, politibetjent |
| Språk | finsk |
| Høgd | 175 centimeter |
| Politisk parti | Finlands sosialdemokratiske parti |
| Arto Tiainen på Commons | |
Karriere
endreInnanlands vann Arto Tiainen totalt 11 skimeisterskap i karrieren sin. Hans fyrste internasjonale meisterskap var vinter-OL 1956 i Cortina d'Ampezzo, der han gjekk 15 km, og enda som nummer 26. To år seinare deltok han i verdsmeisterskapen i Lahti, der han kom på femteplass på tremila og fjerdeplass på femmila, men tok bronse i stafett. I 1959 og 1960 vann han Lahtisspelen og Svenska skidspelen i Falun fleire gonger.
Under vinter-OL 1960 i Squaw Valley deltok han på 30 km utan vidare suksess. I verdsmeisterskapen 1962 i Zakopane oppnådde han derimot ein fjerdeplass på femmila. Vinter-OL 1964 i Innsbruck vart den beste internasjonale tevlingane i Tiainens karriere. Her vart han nummer 13 på 30 km, tok olympisk bronse på 50 km og tok sølv med det finske stafettlaget på 4 x 10 km. Både i 1964 og 1965 vann han femmila i Holmenkollrenna, og vart i 1965 tildelt Holmenkollmedaljen saman med Arne Kjell Larsen og Bengt Eriksson.
Under ski-VM 1966 i Oslo vann Tiainen sølv på femmila. Han deltok i OL for siste gong under vinter-OL 1968 i Grenoble, men enda som nummer 16 på tremila. Frå 1968 til 1972 var han hovudtrenar for det finske langrennslaget.
Utanfor skikarrieren jobba Tiainen som politimann i Kuopio og St. Michel, og han sat også to månader som representant i den finske riksdagen i 1970.
Kjelder
endre- Biografi og statistikk frå Sports-reference.com (Engelsk) Arkivert 2011-08-20 ved Wayback Machine.
- Arto Tiainen på fis-ski.com Arkivert 2012-10-08 ved Wayback Machine.