Auckland City

Auckland City er eit tidlegare administrative område innan Auckland. Territoriet dekkjer eidet som bind saman Nordøya på New Zealand med ei stor halvøy som stikk nord i Stillehavet. Somme øyar i Haurakibukta går òg inn i byen. Styret for regionen Auckland har sete i Auckland City.

Auckland City: Oransje farge viser området Auckland City innanfor samansmeltinga Auckland i grått. Bysenteret er markert med ein ring. Merk at øyar i indre og ytre Hauraki Gulf òg går inn i Auckland City.

Historie

Sentralregjeringa på New Zealand omstrukturerte det lokale styresettet i landet i 1989. Då vart Auckland City slegen saman med åtte andre og mindre einingar til ein ny og større Auckland City. Den nye byen fekk dobbel folkesetnad i høve til den gamle og fusjonen definerte dagens geografiske grenser for byen. Auckland City inngår i det bymessige område Auckland saman med dei andre urbane nabobyane North Shore, Waitakere og Manukau. I 2010 blei det oppretta ei sameint styresmakt for alle desse områda, Auckland Council.

Geografi

Hovuddelen av Auckland City ligg på eit eid (landbru). Waitemata Harbour, som opnar mot Haurakigolfen i nord, skil eidet frå North Shore byen. Manukau Harbour opnar mot Tasmanhavet i sør. Øyane i den indre golfen omfattar Rangitoto, Motutapu, Browns Island, Motuihe, Rakino, Ponui og Waiheke, medan den ytre golfen inkluderer Hauturu/Little Barrier Island, Great Barrier Island og Mokohinau Islands. Ein signifikant del av det sentrale forretningsområdet er bygd på tomtegrunn som vart utvikla igjennom dei siste hundreåra.

Bakgrunnsstoff

• Nettstatden til Auckland City
• History of Auckland City Arkivert 2005-03-06 ved Wayback Machine. av Graham Bush på engelsk

Kjelder

• Denne artikkelen bygger på «Auckland City» frå Wikipedia på engelsk, den 16. oktober 2006.