Azeri–Chirag–Guneshli
Azeri–Chirag–Guneshli (ACG, aserbajdsjansk Azəri-Çıraq-Günəşli) er eit stort oljefelt i Kaspihavet, om lag 120 km utanfor kysten av Aserbajdsjan. Det er estimert at feltet dekkjer 432,4 km².[1] Operatør på feltet er eit konsortium leia av BP. ACG-felta er estimert til å ha 5 til 6 milliardar fat petroleum. Mot slutten av 2005 var produksjonen frå åtte oljebrunnar ved plattforma om lag 240 000 oljefat per dag. Den totale produksjonen nådde meir enn 800 000 fat per dag i 2007 og kring 1 million fat per dag i 2009.[2]
| Azeri–Chirag–Guneshli| | |
|---|---|
| |
| Informasjon | |
| Operatør | AIOC (BP, Chevron, SOCAR, INPEX, Statoil, ExxonMobil, TPAO, Devon Energy, Itochu, Amerada Hess) |
| Produksjon | 1 000 000 fat/år |
| Funnår | |
| Oppstart | 1997 |
| Geografi og geologi | |
| Plassering | Kaspihavet i Aserbajdsjan
|
| Rettshavarar | |
BP rapporter at råolje frå ACG vert eksportert gjennom Baku–Tbilisi–Ceyhan-røyrleidninga til Middelhavet og Baku-Supsa-røyrleidninga til Supsa i Georgia, og gjennom Baku-Novorossijsk-røyrleidninga til Novorossijsk i Russland. Ein trur òg at det finst store gassførekomstar under ACG-oljefelta, som kan nyttast for den planlagde Nabucco-røyrleidninga.[3] Rapportar frå media indikerer at i følgje American Consulting Association IHS CERA (Cambridge Energy Research Associates), er Azeri–Chirag–Guneshli-feltet det tredje største feltet ut av 20 oppførte i verda. Den totale investeringa er estimert til 20 milliardar US-dollar.[4] I 2008 utgjorde olja frå ACG-feltet nesten 80 % av den totale oljeproduksjonen i Aserbajdsjan.[5]
Eigarskap
endreRettshavarar i Azeri-Chirag-Gunashli-feltet er BP med 34,1367 %, ChevronTexaco - 10,2814 %, SOCAR - 10 %, INPEX - 10 %, Statoil - 8,5633 %, ExxonMobil - 8,006 %, TPAO - 6,75 %, Devon Energy - 5,6262 %, Itochu - 3,9205 % og Amerada Hess - 2,7213 %. Russiske Lukoil trekte seg ut av prosjektet i 2003 og selde alle rettane sine til INPEX. Avtalen var på 1,354 milliardar dollar.[6] Produksjonsdelingsavtalen vart signert av partane den 20. september 1994 for utvikling av feltet dei neste 30 åra.[2][7][8] Dagen signeringa vart utført vert feira som «Oljearbeidardagen» i Aserbajdsjan.[1] BP er operatør og leiar konsortiet AIOC.[9]
Utviklingssteg
endreUtviklinga av Azeri–Chirag–Guneshli-feltet vart delt i tre fasar og var ferdig i 2008:
- 1. fase - utvklinga av Chirag-feltet stod ferdig og vart operasjonelt i 1997.
- 2. fase bestod av tre fasar:
- Fase I - utviklinga av Central Azeri-plattforma – i drift sidan februar 2005.
- Fase II - utviklinga av West Azeri-feltet – i drift sidan desember 2005.
- Fase III - utviklinga East Azeri-feltet – i drift sidan november 2006
- 3. fase - konstruksjon av djupvassplattforma Gunasjli (Deep Water Gunashli, DWG) – i drift frå april 2008[9]
Kjelder
endre- Denne artikkelen bygger på «Azeri–Chirag–Guneshli» frå Wikipedia på engelsk, den 17. april 2012.
- Wikipedia på engelsk oppgav desse kjeldene:
- ↑ 1,0 1,1 SOCAR website Azeri-Chirag-Guneshli, arkivert frå originalen 16. oktober 2009, henta 17. april 2012
- ↑ 2,0 2,1 Offshore Technology. Azeri-Chirag-Gunashli (ACG) Oil Field, Caspian Sea, Azerbaijan
- ↑ Vladimir Socor (9. mai 2007). «Caspian gas plentiful now for Nabucco pipeline project». Eurasia Daily Monitor 4 (92) (The Jamestown Foundation). Henta 17. april 2012.
- ↑ A.Badalova (18. august 2009). «Azerbaijani oil field third in IHS CERA ranking of world's 20 largest oil fields». Trend News Agency. Henta 17. april 2012.
- ↑ US Energy Information Administration. Azerbaijan
- ↑ «Lukoil completes sale of its interest in the Azeri-Chirag-Gunashli project to Inpex» (Press release). Lukoil. 28. april 2003. Arkivert frå originalen 6. januar 2010. Henta 17. april 2012.
- ↑ Tarel Gusep. Translated by Theresa Murphy (13. januar 2006). «West Azeri platform of the Azeri-Chirag-Guneshli offshore oilfield ommences oil extraction». Caucaz europenews. Henta 17. april 2012.
- ↑ «BP reports over 1 bn barrel of oil production in Azeri-Chirag-Guneshli field» 14 (8). Alexander's Gas and Oil Connections. 15. april 2009. Henta 17. april 2012.
- ↑ 9,0 9,1 BP website. The largest oil field under development in the Azerbaijan sector of the Caspian basin