Bambusparula
Bambusparula (Myiothlypis basilica) er ein fugl i parulafamilien og er endemisk for Colombia med utbreiing avgrensa til eit lite område lengst nord i landet, Sierra Nevada de Santa Marta. Han er lett kjenneleg av det karakteristiske fargemønstret på hovudet og kan lett skiljast frå andre medlemmer av slekta Myiothlypis.
| Bambusparula | |
 Bambusparula | |
| Utbreiing og status | |
Status i verda:  Nær truga Utbreiinga av bambusparula | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Familie: | Parulafamilien Parulidae |
| Slekt: | Myiothlypis |
| Art: | Bambusparula M. basilica |
| Vitskapleg namn | |
| Myiothlypis basilica | |
Skildring
endre
Bambusparula når ei kroppslengd på 14 centimeter. Venglengda er 6,3 til 6,6 cm, lengst hos hofuglen. Vaksne bambusparulaer har ei tynn, kvit kronestripe på eit svart hovud og ei brei, kvit augestripe som strekkjer seg bak til nakken. Under auget har han ein halvsirkelforma kvit flekk, ein annan kvit flekk bak øyret; resten av hovudet er svart. Fuglane har ei olivenfarga overside med olivenbrun til mørkebrun vengedekkfjører, fjørdrakta har gul underside og ein kvit strupe.
Bambusparulaer er trudd å vere insektetarar.[1] Dei lever i par eller i små grupper i utkanten av skog med tett underskog, krattskog eller sekundærskog, i høgder på 2100-3000 moh., mest vanleg over 2300 moh. Dei deltar òg i fleirartsflokkar under beiting.
På grunn av det litle og fragmenterte utbreiingsområdet, har IUCN klassifisert arten som truga (sårbar) sidan 2004. Den nøyaktige bestandstorleiken er ukjent, men estimert til 1000-2500 individ. Populasjonen er trudd å minke snøgt.[2]
Kjelder
endre- Denne artikkelen bygger på «Santa-Marta-Waldsänger» frå Wikipedia på tysk, den 11. juli 2015.
- Santa Marta Warbler (Myiothlypis basilica) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2014). Handbook of the Birds of the World Alive. Lynx Edicions, Barcelona. Henta den 11. juli 2015
- BirdLife International (2015) Species factsheet: Basileuterus basilicus Arkivert 2015-07-12 ved Wayback Machine.. Henta frå http://www.birdlife.org den 11. juli 2015
- Referansar
Bakgrunnsstoff
endre
Wikimedia Commons har multimedia som gjeld: Bambusparula