Ben Keith
Bennett Keith Schaeufele (6. mars 1937–26. juli 2010), betre kjend som Ben Keith, var ein amerikansk musikar og plateprodusent. Han er mest kjend for å ha spelt pedalsteelgitar med Neil Young, Keith var fast i countrymiljøet i Nashville i 1950- og 1960-åra, før han arbeidde med mange rock-, country og popartstar som produsent og musikar i over fire tiår.
| Ben Keith | |||
 | |||
| Fødd | 6. mars 1937 | ||
|---|---|---|---|
| Fødestad | Fort Riley i Kansas | ||
| Død | 26. juli 2010 (73 år) | ||
| Dødsstad | San Mateo County | ||
| Fødenamn | Bennett Keith Schaeufele | ||
| Opphav | USA | ||
| Aktiv | 1950-åra–2010 | ||
| Sjanger | Rock, folkrock, hardrock, countryrock, pop | ||
| Instrument | Gitar, pedalsteelgitar, vokal, keyboard, piano | ||
| Tilknytte artistar | Neil Young | ||
| Plateselskap | Reprise, Geffen | ||
| Verka som | Musikar, låtskrivar, produsent, studiomusikar | ||
Keith vart fødd i Fort Riley i Kansas før han flytte til Bowling Green i Kentucky. Han flytte så til Nashville der han arbeidde som studiomusikar.[1]
Keith arbeidde først med Neil Young i 1971 på Harvest. Dette samarbeidet skulle vare i nesten 40 år, og Keith spelte på mange Neil Young-album og turnear.
I tillegg til Young har Keith arbeidd med Terry Reid, Todd Rundgren, Lonnie Mack, The Band, Blue, David Crosby, Graham Nash, Paul Butterfield, J. J. Cale, Linda Ronstadt, Warren Zevon, Ian og Sylvia, Emmylou Harris, Willie Nelson, Waylon Jennings, Anne Murray og Ringo Starr. Han var òg produsent for debutalbumet til Jewel, Pieces of You og har arbeidd som soloartist.[2] Han turnerte med Crosby Stills Nash & Young på turneen deira i 2006.
Keith døydde av blodpropp i lunga då han var heime hos Young i Nord-California den 26. juli 2010.[1]
Diskografi endre
- To a Wild Rose (En Point, 1984)
- Seven Gates: A Christmas Album by Ben Keith and Friends (1994)
Kjelder endre
- Denne artikkelen bygger på «Ben Keith» frå Wikipedia på engelsk, den 27. oktober 2010.
- Wikipedia på engelsk oppgav desse kjeldene:
- ↑ 1,0 1,1 «Ben Keith, Neil Young's steel guitarist: 1937-2010». Latimesblogs.latimes.com. Henta 22. juli 2017.
- ↑ «Ben Keith - Steel Guitar at the Cool Groove». Thecoolgroove.com. 27. juli 2010. Henta 22. juli 2017.