Bernhard Broch

Bernhard Aabye Broch (29. februar 1824–2. oktober 1894) var ein norsk skipsreiar, banksjef og politikar frå Drammen. Han møtte på Stortinget fleire periodar i tida frå 1865 til 1879.

Bernhard Broch
Fødd	29. februar 1824 Bragernes
Død	2. oktober 1894 (70 år)
Statsborgar av	Noreg
Yrke	forretningsdrivande
Alle verv	ordførar i Drammen (1867–1869) stortingsrepresentant (1865–1867) stortingsrepresentant (1868–1870) vararepresentant til Stortinget (1874–1876) vararepresentant til Stortinget (1877–1879) vararepresentant til Stortinget (1883–1885) vararepresentant til Stortinget (1889–1891) vararepresentant til Stortinget (1892–1894)

Broch var son til ein kjøpmann i Drammen. Etter å ha arbeidd på handelskontor i heimbyen og i Christiania slo han seg ned i heimbyen som handelsmann, skipsreiar og fabrikkeigar. Han var med å grunnleggje Skien cellulosefabrik og stifte det norske akjseselskapet som i 1872 kjøpte store skogeigedomar i Värmland, disponent for selskapet i mange år. Broch var sjef for Drammens privatbank frå 1868 til han døydde.

Heile vegen frå 1860 til 1893 hadde Broch sete i Drammen bystyre og var byen sin ordførar i 12 år. Han var vald til stortingsrepresentant for Drammen 1865-66 og 1868-69, møtte også på stortinga 1875-76 og 1879 som varamann for høvesvis statsråd Christian August Selmer og ein sjuk Einar Borch. Broch var medlem i Gasje- og pensjonskomiteen 1865 til 1869 og Næringskomite nr 1 i dei aktuelle sesjonane 1875-79.

Kjelder

• Lindstøl, Tallak: Stortinget og Statsraadet 1814-1914. Kristiania, 1914