Bjarne Berulfsen
Bjarne Berulfsen (27. mars 1906–9. oktober 1970) var ein norsk filolog og professor, kanskje mest kjend frå etableringa av Visens venner (1946), og dessutan ei rekkje bøker som er omsette til fleire språk.
| Bjarne Berulfsen | |||
 | |||
| Fødd | 27. mars 1906 Solum kommune | ||
|---|---|---|---|
| Død | 9. oktober 1970 | ||
| Nasjonalitet | Noreg | ||
| Yrke | professor, lingvist | ||
| Institusjonar | Universitetet i Oslo | ||
| Barn | Torkjell Berulfsen | ||
Bakgrunn
endreBerulfsen var fødd i Solum, noverande Skien kommune. Han tok examen artium i 1925 og språkleg-historisk embetseksamen (cand.philol.) i 1932 med norsk hovudfag på avhandlinga En stilig og språklig undersøkelse av brevene fra Håkon Erlingsson, biskop i Bergen 1332–42. Så fekk han stipend i 1932 for å studera det islandske språket på Háskóli Íslands.[1] Vel tilbake tok han pedagogisk eksamen i 1932 og jobb som lektor og norsklærar ved Kristeleg Gymnasium i Oslo nokre år.
Karriere
endreBerulfsen var overlærar ved Oslo handelsgymnasium 1936-1962. Han vart dr.philos. i 1949 på avhandlinga Kulturtradisjon fra en storhetstid der han baserer funna sine på brev i Bergens kopibok frå 1300-talet. Han var òg gjesteforelesar ved University of Wisconsin i 1958. Han vart tilsett som universitetslektor ved Universitetet i Oslo i 1960, seinare dosent og deretter professor i nordisk språkvitskap (1967) ved Det humanistiske fakultet ved Universitetet i Oslo, der han var fram til han døydde.
Berulfsen sat i Samordningsnemnda for skuleverket (oppteken 1947) og seinare i Norsk språknemnd.[2] Han var far til journalisten Torkjell Berulfsen, og skreiv sjølv visetekster og akkompagnerte på piano. Berulfsen bidrog til å påvisa korleis dei norske folkeeventyra påverka bokmål til avviking frå det rådande skriftspråket, det latinsk-tysk-danske.[3]
Bibliografi
endre- En stilistisk og språklig undersøkelse av brevene fra Håkon Erlingsson, biskop i Bjørgvin bispedømme 1332-1342 (1933). Avhandling.
- Engelsk-norsk (Gyldendal, 1933). Senere utgaver med Hjørdis Scavenius (1938)
- Rettskrivning i vestelomma : bokmål (Gyldendal, 1939). Med Søren Seland
- Fremmedord – blå ordbok (Gyldendal, 1940). Med Didrik Arup Seip. Senere utgaver med Dag Gundersen
- Norske brev- og formularbøker i det 19. hundreår (Universitetet i Bergen, 1948)
- Kulturtradisjon fra en storhetstid (Gyldendal, 1948). Avhandling.
- Som blomsterstøv med vind: tre av Visens venner synger Einar Skjæraasen (Aschehoug, 1950). Med Erling Brinchmann og Jacob Brinchmann.
- Et blad av en summa dictaminum (Dybwad, 1953). Avhandling ved Det Norske Videnskaps-Akademi.
- Aschehougs ordlister. Med Einar Lundeby. Herunder Bokmål 1. Fullstendig liste, alle former oppført (1961) og Bokmål 2. Med tradisjonelle ("moderate") former (1961).
- Ordliste for folkeskolen (1963). Med Alf Erling Knappen.
- Norsk grammatikk (1963).
- Den gode vise (Bokklubbens lyrikkvenner, 1967)
- Norsk-engelsk ordbok og omvendt (Cappelen, 1968). Med Herbert Svenkerud, seinare utgåver utgjevne med Torkjell Berulfsen (1989) og Willy A. Kirkeby
- Norsk uttaleordbok (Aschehoug, 1969)
Artiklar
endre- Hvor ligger "Laagøerne"? Historisk tidsskrift 1943-46 33: 314-327
- Knut Porses brev til bergenserne Historisk tidsskrift 1952-53 36: 620-625
Kjelder
endre- ↑ Norske fiologer og realister, 1933
- ↑ Visevennen, VG (31.5.1969)
- ↑ B. Berulfsen, Anti-filologien i eventyrland, VG (15.1.1953)
- Denne artikkelen bygger på «Bjarne Berulfsen» frå Wikipedia på bokmål, den 26. september 2018.
Bakgrunnsstoff
endre- Publikasjonar av Bjarne Berulfsen i BIBSYS