BBC

British Broadcasting Corporation (BBC, norsk 'Det britiske kringkastingsselskapet') er ein britisk radio- og fjernsynskringkastar. Selskapet vart danna i 1927 ved kongeleg dekret frå det tidlegare British Broadcasting Company, og starta den 2. november 1936 opp dei fyrste regulære fjernsynssendingane i verda. Fram til ITV vart oppretta i 1955 hadde BBC monopol på radio- og fjernsynssendingar i Storbritannia.

BBC
Selskapsform	Royal Charter, særlovselskap
Skipa	18. oktober 1922
Dotterselskap	BBC Worldwide, BBC Studioworks, BBC Film, BBC Studios, Q117352171
Bransje	journalistikk, kringkasting, medieindustrien
Hovudkontor	London, Broadcasting House
Tilsette	20 916, 22 219
Resultat	206 000 000 britisk pund

BBC hadde ei norsk avdeling under andre verdskrigen som hadde sendingar retta mot det norske folket i Noreg, der dei tyske okkupasjonsmaktene hadde sett inn forbod mot kringkasting. Det var òg ulovleg å høyra på radio, men mange gjorde det likevel i løynda.

Programma som blir viste er ofte eit resultat av eigenproduksjon. Selskapet vert av mange oppfatta som eit av dei mest seriøse medieselskapa i verda, med ein nøytral og sjølvstendig synsvinkel. BBC tek på seg rolla som allmennkringkastar i Storbritannia, og norske NRK, i likheit med dei fleste andre eldre fjernsynskanalar i Europa, samanliknar seg difor ofte med BBC. På same måte som NRK vert BBC finansiert med lisensmiddel. Rett nok vert enkelte delar av BBC sitt programtilbod betalt av andre; World Service vert betalt av det britiske utanriksdepartementet. Dessutan har BBC i dei seinare år tent ein del på sin kommersielle del, mellom anna ved sal av DVD-kopiar basert på programma deira.

I Storbritannia vert kanalen ofte kalla The Beeb eller Auntie («tante», fordi kanalen tidlegare var kjent for å ha ein oppdragande stil i mange av sine program).

På fjernsyn

Fjernsynskanalar i Storbritannia

I Storbritannia har BBC eit Public Service-oppdrag. TV-kanalane BBC One og BBC Two blir distribuert via det analoge nettet til heile Storbritannia.

• BBC One
• BBC Two
• BBC Three
• BBC Four
• CBBC
• CBeebies
• BBC News
• BBC Parliament
• BBC HD
• Gaelic Digital Service

Verdsfemnande kanalar

BBC har òg ei omfattande verksemd utanfor Storbritannia. Verksemda internasjonalt blir drive under føretaket BBC Worldwide, som er eit kommersielt føretak. Pengar frå tv-lisensen i Storbritannia går derfor ikkje til desse kanalane.

• BBC Prime (tilgjengeleg på satellitt hjå Canal Digital og i somme kabelnett i Noreg)
• BBC World News (tilgjengeleg på Canal Digital, Viasat, det digitale bakkenettet og i somme kabelnett i Noreg)
• BBC Food (tilgjengeleg på Canal Digital)

• BBC America
• BBC Arabic televisjon
• BBC Canada
• BBC Entertainment
• BBC Kids (Canada)
• BBC Knowledge
• BBC Lifestyle

• UKTV
• UKTV i Australia og New Zealand
• Animal Planet
• People+Arts

På radio

Analoge og digitale

• BBC Radio 1
• BBC Radio 2
• BBC Radio 3
• BBC Radio 4
• BBC Radio 5 Live

Digitale

• BBC Radio 1Xtra
• BBC Radio 5 Live Sports Extra
• BBC 6 Music
• BBC 7
• BBC Asian Network

I andre land

• BBC Radio Scotland
• BBC Radio nan Gàidheal
• BBC Radio Shetland
• BBC Radio Orkney
• BBC Radio Wales
• BBC Radio Cymru
• BBC Radio Ulster
• BBC Radio Foyle

Lokalradio

• BBC Local Radio

Internasjonale

• BBC World Service
• BBC Russian Service
• BBC Arabic
• BBC Spanish
• BBC Persian
• BBC Pashto (www.bbcpashto.com)

Bakgrunnsstoff

• Offisiell nettstad