Brudavolltunet

Brudavolltunet er eit museum i Ørsta på Sunnmøre. Museet er eit eldre gardstun som vart kjøpt til museumsføremål i 1958. Tunet ligg ikkje langt frå Høgebrua på Fv 655, om lag 5 km frå sentrum i Ørsta.

Brudavollen
stad
Brudavolltunet
Land	Noreg
Fylke	Møre og Romsdal
Kommune	Ørsta
Del av	Stiftinga Viti
Postnummer	6150 ØRSTA
Gardnummer	21
Ferdselsårer	Fv 655
Brudavolltunet 62.18611111°N 6.19333333°E / 62.18611111; 6.19333333
Wikimedia Commons: Brudavolltunet

Historia til tunet

Brudavollen har truleg vore busett sidan 1500-talet. På 1600-talet vart tunet teke av skred (vassfonn) og husa flytt til ny stad på eigedomen. Garden har etter det ein kjenner til vore einbølt. I si tid var han det gardsbruket i Ørsta med størst jordvidde. Slik tunet står i dag syner det ein vanleg heim i fiskarbondesamfunnet på 1800-talet. Etter at Ørsta bygdemuseumslag vart stifta i 1951, kjøpte dette Brudavolltunet i 1958. Det var husa i det gamle tunet og nokre mål jord. Resten av bruket vart overteke av ny eigarar. Brudavollen er gardsnummer 21 i Ørsta kommune.

Brudavollen som museum

Husa i Brudavolltunet er:

• Stove med loft.
• Kårstove med eldhus.
• Grindløe med fjøsar. Løa er freda.
• Bud.
• Truskarhjulhus med overvasshjul og mura vassrenne.
• Smie. Ho vart flytt til Brudavolltunet frå Digernes i Ørsta.

Sentralt i tunet ligg ei stor steinhelle som har vorte brukt som hagebord og arbeidsplass. Hagen i tunet vart truleg tillaga på 1830-talet.

Ørsta bygdemuseumslag var eigar og drivar av Brudavollen til i 2004. Etter det har Stiftinga Brudavolltunet vore eigar. Brudavolltunet er ei avdeling av Stiftinga Viti.

Bilete frå Brudavolltunet

• 
  Stova og buda
• 
  Buda
• 
  Den freda grindløa
• 
  Den gamle hagen

Kjelder

• brudavolltunet.no
• Ivar Myklebust: Ørsta. Ekset, 1933. Fotografisk opptrykk ved Ørsta Mållag 1988
• Ragnar Standal: Ørsta bygdetun. Husa på Brudavollen. Volda, 1983

Bakgrunnsstoff

• Brudavolltunet i kulturminnesok.no, nettstaden til Riksantikvaren